Ákimshilik kedergi – kásipkerge tusaý

Elimizdiń Dúnıejúzilik saýda uıymyna kirýi biraz jyldardan beri aıtylyp júrgen másele bolǵanymen, Memleket basshysy Nursultan Nazarbaevtyń tııanaqty júrgizip otyrǵan saıasaty, berik ustanymy nátıjesinde endi ǵana múmkin bolyp otyr. Osy bir abyroıly uıymǵa múshe bolý mindet qana emes, úlken syn ekeni de jasyryn emes. Sondaı-aq, el kásipkerleri úshin báse­kelestiktiń jańa deńgeıge kóshýin bildiredi. Sondyqtan, otandyq kásipkerlerdiń álem naryǵyna laıyqty básekelestik tanytý úshin memleket tarapynan barlyq jaǵdaılar jasalýy tıis. Kásipkerlerdi qoldaý – Qazaq­stan Respýblıkasy Memlekettik qyzmet isteri jáne sybaılas jem­qorlyqqa qarsy is-qımyl agent­tiginiń basty mindetteriniń biri. Agenttiktiń Almaty qalasy bo­ıynsha departamentiniń janynda qoǵam men memlekettik organdar arasyndaǵy kópir bolyp tabylatyn qoǵamdyq keńes jumys isteıdi. Keńestiń qura­myna otandyq bız­nes ókilderi, kásipkerlik qury­lymdar kiredi. Jaqynnan beri qoǵam­dyq keńes otyrystarynda mem­lekettik organ basshylaryn tyńdaý tájirıbesi jolǵa qoıyl­ǵan. Osyndaı otyrys­tar bary­synda qoǵamdyq uıymdar júrgiz­gen monıtorınginiń saýalnama nátıjeleri tanystyrylady. Keshe Almaty qalasy ákimdi­­ginde osy qoǵamdyq keńes­­tiń kezek­ti otyrysy bolyp ótti. Onda «Mem­lekettik qyzmet kórse­týdiń sapasy týraly qoǵam­dyq monıtorıngtiń nátıje­leri» degen taqyrypta Almaty qalasy Kásipkerler palatasy dırek­tory­nyń orynbasary mindetin ýaqytsha atqarýshy Saltanat Lesbaeva baıandama jasady. Onyń aıtýynsha, Almaty qalasy boıynsha kásipkerler pala­tasy 1334 kásipker arasyn­da monıtorıng júrgizgen. О́t­ken jylǵy nátıjelermen salys­tyrǵanda, kásipkerlerdiń memle­ket­tik qyzmetter sapasyna degen qa­naǵattaný deńgeıi ósken. Kásip­kerler palatasy ótkizgen 15 mem­le­kettik qyzmet túriniń 13-i sapa ja­ǵynan jaqsy nátıjeler kórsetken. Sonymen qatar, kásipkerler birqatar kemshilikterdi de atap kórsetken. Olar: qyzmet kórse­tý­diń uzaqtyǵy, elektrondy qyz­metterdiń isten shyǵýy sebep­ti tehnıkalyq problemalar, mem­le­ket­tik mekemeler men HQO qyz­metkerleriniń dórekiligi jáne uqyp­syzdyǵy, shekten tys kóp qujat­t­ardy talap etýi jáne qyzmet kór­setý ýaqytynyń uzaqqa sozylýy. Degenmen, kóptegen kásip­ker­lerdiń memlekettik qyzmetterdiń reglamentteri men standarttarynyń bary jóninde beıhabar ekendigi de anyqtaldy. Kóptegen kásip­ker­ler ózderiniń ákimshilik rásim­der ter­mınder men negizgi uǵym­dardy túsin­beıtindikterin aıtqan. Bul ba­ǵytta kásipkerlerdiń quqyq­tyq sa­ýat­­ty­lyǵyn kóterýge baǵyt­tal­ǵan ju­mysty jandandyrý kózdelýde. Sharafaddın ÁMIROV, «Egemen Qazaqstan». Almaty.