Atyraýdaǵy kombınattan 3,5 myń dana ónim shyǵarylady

ATYRAÝ. 26 aqpan. Atyraý oblysynyń Qurmanǵazy aýdanyndaǵy «Quralaı» nan ónimderi kombınatynan táýligine 3,5 myń danaǵa jýyq ónim shyǵarylady. Bul týraly egemen.kz. tilshisi habarlady. Qazaqstannyń Reseımen shekaralas aýdanyndaǵy nan ónimderi kombınaty táýligine 3,5 myń danadaı ónim shyǵaryp, tutynýshynyń suranysyn úzdiksiz qamtamasyz etý úshin 35 adamdy jumysqa qabyldady. Kún saıyn azyq-túlik dúkenderine jiberiletin nannyń baǵasy 45-50 teńgeden satylady. Nan ónimderi kombınatynyń dırektory Tilekqabyl Jákıevtiń aıtýynsha, mektep, balabaqsha ashanalaryna jeńildetilgen baǵamen nan ónimderi tasymaldanady. Sonymen birge, kombınatta kondıterlik ónimder shyǵaratyn qondyrǵy da damylsyz jumys jasap tur. «Qazir Qurmanǵazy aýdany turǵyndarynyń 70 paıyzyn nan ónimderimen qamtyp otyrmyz. Reseıden ákelinetin jańa naýbaıhana jelisi iske qosylǵanda, ónim kólemin 2 esege arttyramyz. Osyǵan oraı elimizdiń astyqty óńirlerinen un alýǵa kelisim jasadyq. Sol sebepten, qosymsha 50 adamdy jumysqa qabyldaýdy da josparladyq» deıdi kombınat dırektory Tilekqabyl Jákıev. Joldasbek Shópeǵul. Derek: egemen.kz. Sýret: azh.kz.