Foto: gov.kz (arhıv)
Bas prokýratýranyń Quqyqtyq statıstıka jáne arnaıy esepke alý komıteti bazasynda qurylǵan Qylmystyq qaýipterdi boljaý ortalyǵy úlken derekterdi, vedomstvoaralyq aqparat almasýdy jáne jasandy ıntellekt quraldaryn paıdalaný arqyly syrtqy jáne ishki qaýipterdiń aldyn alý jónindegi usynymdar qamtylǵan 192 aqparattyq hatty memlekettik organdarǵa joldaǵan.
Bas prokýratýranyń málimetinshe, 38 alaıaqtyq ınternet-resýrs buǵattaldy. Sonymen qatar buqaralyq aqparat quraldary arqyly halyqqa alaıaqtyqtyń jańa tásilderi men saqtyq sharalary jóninde turaqty túrde aqparat berilip keledi – azamattarǵa arnalǵan 16 eskertý jarııalandy.
Ortalyq engizgen sheshimderdiń qatarynda medıakeńistik pen ınternet-alaıaqtyqtardy monıtorıngteý júıeleri, «e-О́tinish» júıesindegi azamattardyń ótinishterin taldaý, sondaı-aq kóshedegi jáne qaıtalama qylmystylyqty boljaý modelderi bar.
1414-ten habarlama: Bas prokýratýra alaıaqtarǵa aldanyp qalmaý jolyn aıtty
Sonymen qatar Bas prokýratýra Ishki ister mınıstrligimen birlesip qylmystyq isterdi tergeý prosesine jasandy ıntellekt (JI) engizý jobasyn iske asyryp jatyr.
Qanatqaqty joba Astana qalasy men Aqmola oblysynyń birqatar polısııa bólimshelerinde júzege asyrylyp jatyr. Joba sheńberinde tergeýdi josparlaý, jaýaptardy transkrıpsııalaý jáne taldaý, sondaı-aq úderistik qujattardy avtomatty túrde qalyptastyrý modýlderi engizildi.
Jalpy, «Sıfrlyq kómekshi» modýlderi arqyly 231 tergeý jospary, 72 jaýap alý hattamasy, 65 aıyptaý aktisi jáne qylmysty saralaý týraly 15 qaýly qalyptastyrylǵan.
SMS-blaster men dıpfeık: Bas prokýratýra 18 jańa kıberqaýipti anyqtady
Bas prokýratýra «Zań men tártip» qaǵıdattaryn nyǵaıtý, qoǵamdyq qaýipsizdik deńgeıin arttyrý jáne tıimdi «Halyq únine qulaq asatyn memleket» qurý maqsatynda sıfrlyq sheshimderdi damytý jumysyn jalǵastyrady.
