Foto: Beınejazbadan
Kadrlarda qyzdardyń biri ekinshisin aıaýsyz judyryqpen uryp, basy men denesinen tepkeni kórinedi. Vıdeoda jábirlenýshi edenge qulaǵannan keıin de shabýyl toqtamaı, ony shashynan súırep jatqan sátter baıqalady.
Vıdeoda bólmede bolǵan ózge qyzdar oqıǵany toqtatýǵa tyryspaı, kerisinshe ony telefonǵa túsirip otyrǵany baıqalady.
Atyraýda oqýshylar arasynda jappaı tóbeles boldy: Balalar túgel esepke alyndy
Atyraý oblystyq polısııa departamentiniń málimetinshe, oqıǵa sáýir aıynda bolǵan.
«Quqyq buzýshylyqqa jol bergen barlyq tulǵalar anyqtalyp, polısııaǵa jetkizildi. Qazirgi tańda tórt kúdikti jaýapkershilikke tartylyp, profılaktıkalyq esepke qoıyldy», delingen resmı habarlamada.
Eske sala keteıik, buǵan deıin Almatyda D.Qonaev atyndaǵy ýnıversıtettiń jataqhanasynda qyzdardyń 17 jastaǵy stýdent qyzdy uryp-soqqan vıdeosy taraǵan bolatyn.
