Foto: Ashyq derekkóz
Atalǵan prokýratýramen Ortalyq Azııa memleketteriniń biriniń alty azamatyna qatysty adam urlaý jáne óz betinshe bılik etý faktileri boıynsha qylmystyq is boıynsha memlekettik aıyptaý qoldaý tapty.
Sot talqylaýy barysynda 2024 jylǵy 9 jeltoqsanda top qatysýshylarynyń biri oryndalmaǵan qyzmet úshin aqsha talap etip, jábirlenýshige kúsh qoldanyp, ony 80 myń teńgeni aýdarýǵa májbúrlegeni anyqtaldy.
«Keıin aldyn ala sóz baılasqan adamdar toby paıdakúnemdik nıetpen kúsh qoldaný arqyly jábirlenýshini Astana qalasynyń aýmaǵynda urlap áketken», delingen habarlamada.
Elimizde nekege májbúrleý men adam urlaýǵa qatysty zań ózgeredi
Memlekettik aıyptaýshymen sottalýshylardyń kinásin dáleldeıtin jetkilikti aıǵaqtar usynyldy.
«Astana qalasynyń qylmystyq ister jónindegi aýdanaralyq sotynyń 2026 jylǵy 5 aqpandaǵy úkimimen bes adam aldyn ala sóz baılasqan adamdar tobynyń paıdakúnemdik nıetpen jasaǵan adam urlaý qylmysy úshin 8 jylǵa bas bostandyǵynan aıyryldy. Toptyń bir qatysýshysy adam urlaýǵa kómekteskeni jáne óz betinshe bılik etkeni úshin 7 jyl 6 aıǵa bas bostandyǵynan aıyryldy», delingen habarlamada.
Astana qalasynyń prokýratýrasy adam urlaǵany úshin zańnamada 15 jylǵa deıin, al óz betinshe bılik etkeni úshin 7 jylǵa deıin bas bostandyǵynan aıyrý jazasy kózdelgenin eske salady.
Buǵan deıin Aqtóbe qalasynda aýlada oınap júrgen kishkentaı qyzdy beıtanys boıjetken ózimen birge ertip ketpek bolǵany týraly habarlaǵanbyz.
