Foto: Depositphotos
Eýrokomıssııanyń málimetinshe, platforma zańsyz ónimderdiń taralýyna baılanysty táýekelderdi tıisti deńgeıde anyqtap, baǵalaı almaǵan. Mundaı jaǵdaı Eýroodaq elderindegi tutynýshylarǵa zııan keltirýi múmkin.
«Qupııa satyp alýshy» ádisimen júrgizilgen tekserý barysynda birqatar eleýli zańbuzýshylyqtar anyqtalǵan.
- zarıadtaǵysh qurylǵylardyń edáýir bóligi qaýipsizdik boıynsha negizgi synaqtardan ótpegen;
- kóptegen balalar oıynshyqtary qaýipti bolyp shyqqan – olardyń quramynda zııandy zattar bolǵan nemese usaq bólshekterge baılanysty tunshyǵý qaýpin týdyrǵan.
Sonymen qatar EO platformanyń algorıtmderine de nazar aýdardy. Retteýshilerdiń pikirinshe, taýarlardy usyný júıesi men ınflıýenserler arqyly jarnamalaý qaýipti ónimderdiń taralýyna yqpal etýi múmkin.
Endi Temu bir aı ishinde zańbuzýshylyqtardy joıý josparyn usynýy tıis. Osydan keıin Eýropalyq komıssııa túpkilikti sheshim qabyldap, talaptardy oryndaý merzimin belgileıdi.
Kompanııanyń ózi aıyppulmen kelispeıtinin jáne ony shamadan tys kóp dep sanaıtynyn málimdedi.
Aıta keteıik, bul – DSA aıasyndaǵy ekinshi iri aıyppul. Buǵan deıin X platformasyna jarnama men akkaýnttardyń ashyqtyǵy jetkiliksiz bolǵany úshin 120 mıllıon eýro kóleminde sanksııa salynǵan edi.
13 mln teńge aıyppul: Qazaqstanda qandaı gúlderdi julýǵa bolmaıdy?
