foto: Týrızm jáne sport mınıstrligi
Bul marapat jýyrda Ońtústik Afrıka Respýblıkasynyń Keıptaýn qalasynda ótken halyqaralyq marafondaǵy tabysty ónerinen keıin berilip otyr. Tájirıbeli sportshy óz jas sanatynda úzdik ondyqqa enip, kópshiliktiń qurmetine bólendi.
Saltanat Túıtebaev 1945 jyly Jambyl oblysy Moıynqum aýdanynda dúnıege kelgen. Ol ómiriniń 45 jylyn bilim berý salasyna arnap, ustaz, mektep dırektory, aýdandyq bilim bóliminiń ınspektory jáne kásiptik-tehnıkalyq ýchılıshe jetekshisi qyzmetterin atqarǵan.
Prezıdent Rafael Grossıdi I dárejeli «Dostyq» ordenimen marapattady
Kezdesý barysynda Serik Jarasbaev ardager sportshynyń ómir joly men sportqa degen adaldyǵy jastarǵa úlken úlgi ekenin aıtty.
«Seksennen asqan jasta marafon júgirip, halyqaralyq jarystarda joǵary nátıje kórsetý – zor erik-jiger men tabandylyqtyń belgisi. Siz salaýatty ómir saltyn nasıhattap qana qoımaı, kópshilikke naqty ónege kórsetip kelesiz», dedi vıse-mınıstr.
Saltanat Túıtebaev halyqaralyq marafondarda da joǵary nátıjelerimen tanylǵan. Ol Sıngapýr, Dýbaı, Doha, Antalııa, Malaga jáne Amsterdamda ótken jarystarda birneshe ret jeńimpaz atanǵan.
Sońǵy úsh jylda mádenıet salasynyń 592 ókili memlekettik nagradalarmen marapattaldy
Búginde jasy seksennen assa da, sporttan qol úzbegen ardager marafonshy álemdik jarystarda Qazaqstannyń abyroıyn asqaqtatyp keledi.
