Rýdnyıda kásiporyndaǵy jol apatynan eki adam qaza tapty

QOSTANAI. 15 mamyr. Rýdnyıdaǵy Sarbaı karerinde jol apaty oryn alyp, eki adam qaza tapty. Bul týraly egemen.kz tilshisi habarlady. Kenishke qarasty jolda «SAT» avto mashınasy men K-700 traktory soqtyǵysqan. Jol keń, tegis. Aldyn ala boljamdarǵa qaraǵanda avtomashına traktordy basyp ozyp, bıik joldyń qııa jetinde turǵan traktorǵa soqqan. Qatty kúshtiń áserinen traktor bıikten tómen qaraı qulaǵan. Jol apatynan saldarynan 1956 jylǵy traktor júrgizýshisi men onyń janyndaǵy 1983 jylǵy jolaýshy qaza tapty. Jolaýshy jigittiń aty Aleksandr Morozov eknni anyqtaldy, onyń artynda áıeli men bir balasy qaldy. «SAT» avtomaınasynyń júrgizýshisi de jaqyn arada áke bolǵaly júr eken. Jol apaty bolǵan jerge kombınat basshylary keldi. Qaza tapqandardyń máıitin tómennen alyp shyǵý úshin tikushaq jáne arnaıy tehnıkalar iske qosyldy. Máıitterdi jol apaty bolǵan tańerteńgi jumys bastalar ýaqyttan tústen keıingi saǵat 15.00-de bir-aq aldy. Ábden maıysyp qalǵan tehnıkadan máıitterdi alý ońaı bolǵan joq, arnaıy tehnıka kúshimen ǵana múmkin boldy. Qazir oqıǵa ornynda arnaıy komıssııa jumys isteýde. Názıra Járimbetova. Derek, sýret: egemen.kz