Qostanaıda soǵys ardageri Geıdar Alıev týraly estelik aıtty

QOSTANAI. 15 mamyr.  Qostanaıdaǵy «Birlik» Ázerbaıjan etnomádenı birlestiginiń jastar qanaty Uly Otan soǵysynyń ardageri, otstavkadaǵy polkovnık Pavel Dasenkomen kezdesý uıymdastyrdy.  Soǵys ardageri tek maıdandaǵy erlik týraly ǵana emes, birge oqyǵan dosy Geıdar Alıev týraly da qyzyqty estelikter aıtty. Bul týraly egemen.kz tilshisi habarlady. Soǵys ardageri Pavel Vasılevıch soǵysta Ázerbaıjan Keńestik Sosıalıstik Respýblıkasynyń bas prokýrory bolǵan Gambaı Mamedovpen maıdanda birge bolǵan edi. Soǵystan keıingi jyldary Ázerbaıjannyń tuńǵysh prezıdenti Geıdar Alıevpen birge oqydy. «Birlik» Ázerbaıjan etnomádenı birlestigi jastar qanatynyń tóraıymy Zúlfııa Nıbıeva: «Gamboı Mamedov – Stanlıngrad shaıqasy batyrlarynyń biri, ol bilikti uıymdastyrýshy, rota komandıri boldy. Pavel Dasenkonyń – onyń qandykóılek dosy. Al Geıdar Alıevpen soǵystan keıingi jyldary Tashkentte Qarsybarlaý joǵary ýchılıshesinde birge oqyǵan. Ardagerdiń azerbaıjan dostary týraly aıtary mol» dedi. Bıyl mamyr aıynda Geıdar Alıevtiń týǵanyna 93 jyl tolypty.  Zúlfııanyń aıtýynsha jyl saıyn Ázerbaıjanda Tuńǵysh Prezıdenttiń týǵan kúnine oraı gúlder festıvali ótetdi eken. Osyǵan oraı jáne Jeńistiń 70 jyldyǵy qurmetine «Birlik» ázerbaıjan etnomádenı birlestigi Qostanaı qalasyndaǵy jaýyngerlik dańq mýzeıi bar №4 orta mekteptiń aýlasyna egý úshin 30 túp raýshan gúliniń kóshetin syıǵa tartty. Názıra Járimbetova. Derek, sýret: alau.kz