Úkimettiń esebi tanystyryldy

Qujat boıynsha Qarjy mı­­nıstri Baqyt Sultanov pen Esep komıtetiniń múshesi Janseıit Sársenqulov baıandama jasady.

Respýblıkalyq bıýdjetke 2014 jylda 5 988,5 mlrd.teńge, ıaǵnı josparlanǵannyń 99,4%-y túsken. Negizgi bólik nemese túsimderdiń jalpy kóleminde 98,7% kiristerge týra keldi, ol 5 908,8 mlrd. teńgeni qurady (jos­pardyń 99,3%-y), onyń ishinde salyqtyq túsimder 3 666,1 mlrd. teńge nemese 98,2%, salyqtyq emes túsimder – 131,7 mlrd.teńge nemese 110,4%, negizgi ka­pıtaldy satýdan túsetin túsim­der – 7,7 mlrd.teńge nemese 99,1% jáne transfertter 2 103,3 mlrd.teńge nemese 100,5% qurady.

Ulttyq qordyń aktıvteri 2014 jyly 5 459,6 mlrd.teńgege to­lyqtyryldy jáne 2015 jylǵy 1 qańtarda 16 522,1 mlrd. teń­geni qurady, onyń ishinde ınves­tısııalyq kiris 1 955,0 mlrd. teńge somasynda boldy. Negizgi úlesti (63,5 %) munaı sektorynan túsetin tikeleı salyqtar qurady.

2014 jylǵy respýblıkalyq bıýdjettiń shyǵystary 99,3% nemese 7 069,7 mlrd. teńge somasynda atqaryldy. 2013 jylmen salystyrǵanda shyǵystar 1 079,2 mlrd. teńgege ósken.

Shyǵystar salasynda bıýdjet saıasatynyń basymdyǵy áleýmettik mindettemelerdi birinshi kezekte qarjylandyrý boldy. 2014 jylǵa arnalǵan respýblıkalyq bıýdjette kóz­delgen zeınetaqylardy, áleý­mettik járdemaqylar men bıýd­jettik sala qyzmetkerlerine jala­qy tóleý ýaqtyly jáne to­lyq kólemde júzege asyryldy.

Áleýmettik salaǵa arnalǵan shyǵystar 2 680,2 mlrd.teńgeni qurady. 2014 jyly olardyń kólemi ishki jalpy ónimge shaqqanda 6,9%-ǵa jetti, ol turaqty áleýmettik klımattyń saqtalýyna yqpal etedi.

Bul rette, 2014 jyly bilim be­rýge – 466,3 mlrd. teńge, den­saý­­­­­lyq saqtaýǵa – 645,3 mlrd. teń­ge, áleýmettik kómekke – 1 462,3 mlrd. teńge, mádenıetke, sport­qa, týrızm men aqparattyq keńis­tik­ke 106,3 mlrd. teńge jumsaldy.

Áleýmettik shyǵystarmen qatar, bıýdjet shyǵyndarynyń joǵary deńgeıi ınfraqu­ry­lymdyq jáne ındýstrııalyq jobalarǵa, aýyl sharýashylyǵyn damytýǵa baılanysty bolyp otyr. Máselen, turǵyn úı-kommýnaldyq sharýashylyǵyna – 316,5 mlrd.teńge, otyn-energetıka kesheni men jer qoınaýyn paıdalanýǵa – 95,0 mlrd.teńge, aýyl, sý, orman, balyq sharýa­shylyǵyna jáne qorshaǵan ortany qorǵaýǵa – 233,8 mlrd.teń­ge, ónerkásip, sáýlet, qala qury­lysy jáne qurylys qyzmetine – 22,3 mlrd.teńge, kólik jáne kommýnıkasııaǵa 493,6 mlrd.teńge jumsaldy.

Respýblıkalyq bıýdjet tap­shylyǵy 1 081,2 mlrd.teńgeni qurady.

Baıandamashylarǵa Májilis depýtattary N.Sabılıanov, Z.Ba­lıeva, E.Nıkıtınskaıa, R.Hal­muradov, Sh.Myrzahmetov, G.Isim­baeva, S.Romanovskaıa jáne Á.Bımendına suraq qoıdy. Al zań jobasy boıynsha jumys to­banyń jetekshisi Quttyqoja Ydyrysov otyrysty qorytyp, alda bolatyn jumys toby oty­rysynyń ýaqytyn habarlady.