Keshendi qamqorlyq jasalýda

Oblys ákimi Sergeı Kýlagınniń Selınograd aýdanyna tamyz aıyndaǵy kezekti sapary sý tasqynynan zardap shekkender úshin aıryqsha mańyzdy edi. О́ıtkeni, soltústik óńirde bul sheshýshi kezeń sanalady. Sapar saıyn turǵyndarmen suhbattaspaı ketpeıtin ádetimen, Sergeı Vıtalevıch jumysty aldymen qurylys alańdarynan bas­tady. Qosshy aýylynda tótenshe jaǵ­daılar júıesimen 45 páterli eki úı eselengen qarqynmen salynyp jatyr. Merdigerlik uıym – «Asgard» JShS basshysy Erkin Aıapov qurylys jumystarynyń basym bóligi aıaqtalýǵa jaqyn ekendigin baıandap, 10 qazanǵa qaraı páter kiltteri tapsyrylatynyn aıtty. Al, ekinshi úıdi turǵyzyp jatqan Koelo Da Sılva Rego Dıogo basqaratyn «SMP-610» seriktestigindegi qarjylandyrý máselesi bastapqyda TJ júıesimen atqarylatyny josparlanǵan bolatyn. О́z múmkindikterin ekshegen merdigerlik uıym odan bas tartyp, jumysty tolyqtaı óz qarjysymen júrgizip jatyr. Aldaǵy kezde turǵyndar páterlerin satyp alatyn bolady. «О́z úıim – óleń tósegimge» saısaq, bul ekijaqty tıimdi qadam ekeni anyq. Astanaǵa jaqyn Taıtóbe aýylynda turǵyndar sany kún sanap ósip keledi. Osyǵan baılanysty mektep úsh aýysymdy bilim berýge májbúr. Munda 300 oryndyq jańa mektep qurylysy salynyp jatqanyna birtalaı ýaqyt ótti. Oblys ákimi qurylysty júrgizip jatqan «ElektroSetStroı» kom­panııasynyń dırektory Janat Asqarovqa jumys qarqynyn arttyryp, budan burynǵy merdigerlerdiń qateligin qaıtalamaýdy qatań es­kertti. Qurylys basshysynyń sen­dirýinshe, jańa mektep bıyl jumysyn bastaıtyn bolady. Bıylǵy sý tasqynynda tótenshe jaǵdaı oryn alǵan Orazaq aýylynda túıtkil máseleler keshendi túrde sheshilýde eken. Birinshiden, jáne eń mańyzdysy, munda eki páterli 100 úıdiń qurylysy bir mezette atqarylýda. Jańa shaǵyn aýdandaǵy jumystardyń basy-qasynda júrgender qataryndaǵy «Isker TTJ» jaýapkershiligi shekteýli seriktestiginiń dırektory Danııar Tuńǵyshbaevty sózge tart­qanymyzda, ózine qarasty 50 úıdiń qabyrǵasy qalanyp qoıyl­ǵandyǵyn aıtty. Munda 300 adam, jetkilikti kólemdegi tehnıka qu­ramy ýaqytpen sanaspaı jumys is­teýde. Al, osyndaǵy qabyrǵalyq pa­nelder zaýyty kúni-túni ónim shyǵarady. Soǵan qaramastan, júz úıdi josparly merzimde (20 tamyz) paıdalanýǵa berý múmkin emestigi de kózge uryp tur. Ony qurylysshylar úıler daıyn bolǵanymen, shaǵyn aýdanǵa sý, elektr jelilerin tartý ýaqyt alatyndyǵymen túsindirýde. Sondyqtan, osyndaǵy qurylys kompanııalarynyń basshylary turǵyn úılerdi qabyldap alýdy eki kezeńmen (qyrkúıektiń sońy men qazannyń basynda) atqarýdy usyndy. Orazaq aýylynyń turǵyndary­men kezdesýde bıiktigi 4 metr, uzyndyǵy 8 metrlik jańa toǵan qurylysy bastalǵany, eldi meken kósheleri men aýlalar tártipke keltirilip jatqany, Orazaq mektebin qaıta qalpyna keltirgenshe balalar túgeldeı jańartylǵan mádenıet úıinde bilim alatyny belgili boldy. Osymen bir mezette mekteptiń sport jáne májilis zaly jańa oqý jylyna deıin kúrdeli jóndeý­den ótkiziletinin, munda Shýche qa­zan­­­­­dyq-mehanıkalyq zaýytynyń kómegimen úsh agregatty biriktiretin qýatty blok-modýldik qazandyq ornatylǵanyn aıtqymyz keledi. –  Memleket sý tasqynynan zardap shekkenderdi turǵyn úılermen, páterlermen qamtamasyz etý úshin barlyq jaǵdaılardy jasap jatyr, – dedi oblys ákimi Sergeı Kýlagın. – Sondaı-aq, aýdan ortalyǵy Aqmolda «Zavodstroı» JShS 45 páterli bes qabatty úıdi «Qoljetimdi baspana» baǵdarlamasy sheńberinde aıaqtaýǵa jaqyn qaldy. Atalǵan qurylys kompanııasy tótenshe jaǵdaılar júıesimen 45 páterli ekinshi úıdi de turǵyzyp jatyr. Merdigerler bul nysandardy belgilengen merziminde paıdalanýǵa berýge mindettengen. Bizdiń tarapymyzdan qatań baqylaý ornatylǵan. Sondyqtan, alańdaýǵa esh negiz joq. Aýyl turǵyndary ózderin qam­qor­lyqtan tys qaldyrmaǵan memle­ket jáne oblys basshylyǵyna rızalyqtaryn bildirdi. Baqbergen AMALBEK, «Egemen Qazaqstan». Aqmola oblysy, Selınograd aýdany. Sýretti túsirgen Ermurat DOSYMOV.