Hokkeı. AQSh – álem chempıonatynyń qola júldegeri!

ASTANA. 17 mamyr. Hokkeıden AQSh quramasy Chehııada ótip jatqan álem chempıonatynyń qola júldegeri atandy. Úshinshi oryn úshin oıynda olar Chehııany 3:0 esebimen jeńdi. Bul týraly egemen.kz habarlady. AQSh – Chehııa 3:0 (2:0, 1:0, 0:0) Goldar: Nık Bonıno 8, Trevor Lıýıs 19, Charlı Koıl 40. Kezdesý Chehııa astanasy – Pragadaǵy «O2-Arena» aıdynynda ótti. 17 myńnan astam jankúıer aldynda aıdyn ıeleri aıanyp qalmady. Oıyn barysynda negizgi basymdyq ta chehtardyń qolynda boldy. 60 mınýttyń ishinde olar 39 márte qarsylas qaqpasyn nysanaǵa alsa, AQSh 16 ret soqqy jasady. Sondaı-aq, aıyp ýaqyty boıynsha da Chehııa úzdik nátıje kórsetti. Amerıkalyq hokkeıshilerdiń aıyp ýaqyty 12 mınýtty qurasa, 3 oıynshysy kishi aıyppen jazalanǵan aıdyn ıeleriniń kórsetkishi 6 mınýtpen shekteldi. Soǵan qaramastan, negizgi nátıje AQSh-tyń paıdasyna sheshildi. Osymen AQSh óz tarıhynda 7-shi ret álem chempıonatynyń «qolasyn» ıemdenip otyr. Sońǵy ret 1960 jyly chempıon atanǵan qurama sodan beri 5 márte 3-oryn alyp otyr (1962, 1996, 2004, 2013, 2015 jj.). Atalǵan jarystyń fınaly búgin ótedi. Oıyn Astana ýaqytymen saǵat 00:45-te bastalady. Bul synda aıdyndaǵy «máńgi qarsylastar» sanalǵan Kanada men Reseı oınaıdy. Elaman Qońyr. Derek: egemen.kz. Sýret: iihfworlds2015.com.