Fransııa soty Ábilázovtiń ekstradısııasyn rastady

ASTANA. 5 naýryz. Fransııanyń kassasııalyq soty Qazaqstandaǵy «BTA bank»-tiń burynǵy basshysy Muhtar Ábilázov advokattarynyń apellıasııasyn qabyldamaı tastady. Bul týraly «Frans-Press» habarlady. Osylaısha bankırdi ekstradısııa jasaý jóninde Lıonnyń apellıasııalyq soty qabyldaǵan sheshim óziniń kúshinde qaldy. Keshe qabyldanǵan qaýlyǵa endi premer-mınıstr qol qoıýy kerek. Atalmysh qaýlynyń kúshin joıý úshin Fransııanyń memlekettik keńesine ǵana shaǵym aıtýǵa bolady. Muhtar Ábilázov Fransııada 2013 jyly qamaýǵa alynǵan bolatyn. Sodan beri onyń ekstradısııa jasalýyn Reseı men Ýkraına qaıta-qaıta surap jatyr. Al Qazaqstan muny jasaı almaıdy, sebebi, bul eldiń Fransııamen ekstradısııa jasaý jóninde kelisimi joq. О́tken jylǵy qazan aıynda Lıondaǵy apellıasııalyq sot bankırdi ekstradısııa jasaý jónindegi suranysty qaraǵattandyrýdy usynǵan edi. Munda basyńqylyq Reseıge berildi. Al Reseıde Ábilázovti qamaýǵa alý jóninde sanksııa shyǵarylyp qoıylǵan. Burynǵy bankır bul elde alaıaqtyqpen aınalysty, jalǵan qujattar jasady, qyzmet babyn asyra paıdalandy degen aıyptaýlar alyp otyr. Qazaqstan oǵan alty mıllıard dollardan artyq somanyń qarjylyq tártip buzýyshylyǵyn jasady degen kiná taǵady. Ábilázov pen onyń advokattary munyń astarynan saıası sebepter izdep áýrege túsip júr. Murat Aıtqoja. Derek, sýret:             Frans Press.