PAVLODAR. 3 shilde. Telekópir barysynda «Qazavtojol UK» AQ basqarma tóraǵasynyń orynbasary Ulan Álipov elimizdegi qurylysy júrgizilip jatqan iri jobalardyń biri – Pavlodar-Semeı arasyndaǵy jalpy uzyndyǵy 1 018 shaqyrym quraıtyn jol «Ortalyq-Shyǵys» dálizi bolyp sanalatynyn aıtty. Bul týraly egemen.kz tilshisi habarlady.
Qazir jumystar aralyǵy 500 shaqyrym bolatyn 16 ýchaskede júrip jatyr. Onyń ishinde 100 shaqyrymy bıylǵy jyly paıdalanýǵa beriledi. Dálizdiń qurylysy júrgizilip jatqan nysandardyń biri Ertis ózeni arqyly ótetin kópir ótkelin jumystar óndiristik kestege sáıkes júrgizilýde.
Kelesi jyly Astananyń joly «Pavlodar-Semeı» avtojolymen osy kópir arqyly jalǵasady. Oblys ákimi Qanat Bozymbaevtyń aıtýynsha, oblysta ındýstrııalandyrý baǵdarlamasynyń birinshi besjyldyǵynda 274 mlrd teńgege 68 joba iske qosylsa, 5 jarym myń jumys oryndary ashyldy.
Jalpy, qazir oblysta munaı, hımııa, metallýrgııa, temirjol, mashına jasaý jáne ónerkásiptiń basqa salalaryna qatysty 60 asa ónim túrleri shyǵaryla bastady. Búgingi kúni jobalardyń negizgi bóligi ıaǵnı, 53 joba óndiristik qýattyń josparly kórsetkishterine jetti. О́nerkásiptik óndiristiń jalpy kólemindegi osy jobalardyń úlesi 11 paıyzdy qurap otyr (589 mlrd. teńge). Sonymen qatar 7 joba jalpy quny 500 mlrd. teńgege ónimdi eksportqa shyǵardy. Osynyń barlyǵy óńirdiń ınvestısııalyq belsendiligine áser etti. Jyl saıyn ınvestısııalar kólemi ortasha eseppen alǵanda 20-25paıyzǵa artýda. О́tken jyly 348 mlrd teńgege jetti. Kúni keshe ǵana oblys ortalyǵynda № 3 jylý elektr ortalyǵynda energetıkalyq qýattylyǵy 255 MVT-ty quraıtyn jańa trýbına iske qosyldy. Jańa trýbınany ornatý qalanyń jylý men elektr energııasyna degen qajettiligin tolyq qamtamasyz etýge múmkindik beredi.
Farıda Byqaı.
Derek: egemen.kz
Sýret: Valerıı Býgaev.
