Shyǵysqazaqstandyq avtoóndirýshiler koreıalyq qarjy tobymen kelisim jasady

О́SKEMEN. 3 shilde. Ońtústikkoreıalyq Shinhan Finance pen «BIPEK AVTO – AZIIа AVTO» holdıngi ózara yntymaqtastyq týraly kelisim jasady. Bul týraly egemen.kz habarlady. Osyǵan baılanysty «Shınhan Fınans» JShS men «BIPEK AVTO Qazaqstan» JShS arasynda memorandýmǵa qol qoıyldy. Taraptar satyp alýshylardy jańa avtokóliktermen, satyp alýdyń tıimdi sharttarymen qamtamasyz etetin avtonesıelendirýdiń birlesken baǵdarlamasyn ázirlemek. Azııalyq jetekshi qarjylyq toptardyń aýqymdy resýrstaryna ıe nesıelik uıym men Qazaqstannyń iri avtoholdınginiń seriktestigi otandyq satyp alýshylarǵa avtonesıelendirýdiń barynsha qolaıly múmkindikterin qamtamasyz etýge baǵyttalady dep kútilýde. Shinhan Financial Group – Koreıa Respýblıkasynyń iri qarjy holdıngi. Toptyń quramynda jumys atqaratyn 12 kompanııa korporatıvtik nesıelendirý, ınvestbankıng, aktıvterdi basqarý, brokerlik jáne saqtandyrý servısin qosa alǵanda, qarjy qyzmetteriniń tolyq spektrin usynady. «Jyl basynan beri bizden kólik satyp alǵan 23 155 qazaqstandyqtyń 60 paıyzy bank qaryzyn paıdalandy. Otandyq tutynýshylardyń basym bóligi jańa avtokólikti nesıege satyp alýda. Sondyqtan, 2014 jyly baıqalǵan avtonesıelendirý sharttarynyń qatańdaýy respýblıkanyń avtokólik naryǵyndaǵy basym faktorlardyń biri bolyp qalady. Elimizdegi tutynýshylyq nesıesiniń qarqyny qysqarýy jalǵasýda, al qyzmet kórsetýdiń ortasha mólsherlemesi 20 paıyzdan artyq. Shinhan Finance sııaqty qarjy ınstıtýtynyń Qazaqstan naryǵyna shyǵýy osyndaı kúrdeli kezeńde naryqtyń turaqtanýyna kómegin tıgizedi. Eń bastysy, kásiporynnyń ondaǵan myń tutynýshylary úshin jańa avtokólik satyp alýdy tıimdi etedi jáne jeńildetedi», – dedi «BIPEK AVTO» fılıaldaryn damytý departamentiniń dırektory Aıdar Meńdibaev. Dýman Anash. Derek, sýret: egemen.kz.