Tazalyq sapasyn arttyrý

Qalamyzdyń tazalyǵy qashan da ózekti bolyp qala bermek. Osy rette qalany turmystyq qaldyqtardan tazartýdyń qalypty júıesine qaldyqtardy jınaý, shyǵarý, suryptaý jáne qaıta óńdeý sııaqty jańa tásilder qoldanylady. Astana qalasy ákiminiń orynbasary Qosman Aıtmuhametovtyń aıtýynsha, qala ishi aýmaǵynda 1842 konteınerlik alańda 9891 qoqys jınaý konteıneri orna­tylǵan. Bıyl paıdalanylyp júrgen 150 konteınerlik alańda jóndeý jumystary júrgizilip, qosymsha 200 alań jabdyqtaý kózdelip otyr. Sonymen birge, Astanada «jasyl» ekonomıkaǵa kóshý baǵdarlamasy boıynsha keshendi jumystar belsendi júrgizilýde. – 2015 jylǵy 1 naýryzdan bastap, elordadaǵy turǵyn úı qorynda QTQ-ny bólip jınaý jónindegi pılottyq joba júzege asyrylýda. Tıisti ınfra­qurylymdy jasaý úshin 54 konteınerlik alańda túrli-tústi 108 konteıner ornatyldy. Pılottyq joba 36 turǵyn úı kesheninde, «Astana Tazartý» JShS qatysýymen 17 PIK ýchaskesinde qolǵa alyndy, – dedi Q.Aıtmuhametov. 2014 jyldyń jeltoqsan aıynan bas­tap jylytý maýsymynda elordanyń jeke sektorynda kúl jınaý boıynsha pılottyq joba júzege asyryldy. 75 arnaıy konteıner ornatylyp, 600 tonnadan astam kúl jınalyp, shyǵaryldy. Sondaı-aq, ótken jyly quramynda synap suıyǵy bar energııa saqtaýshy shamdardy qaıta óńdeý jobasy aıasynda polıgonǵa 570 myń tonna túrli qaldyqtar jiberildi. Jyl basynan beri 230 myń tonna qaldyq qabyldandy. Qaldyqtardy kómý polıgondaryn ke­ńeıtý sharalary da keńinen júrgizilýde. Búgingi kúni qaldyqtardy kómý polıgonynyń ekinshi alańyn salý jumystary aıaqtalýǵa jaqyn. 2015 jyldyń qa­rashasyna deıin eski polıgondy qaı­ta qunarlandyrý jumystary bitedi. «Egemen-aqparat».