Konferensııa jemqorlyqty aýyzdyqtaý máselesin talqylady

Grýzııanyń Batýmı qalasynda «Jemqorlyqpen kúres jáne kásibı tutastyq: aımaqtyq hab elderiniń memlekettik qyzmet salasyndaǵy tájirıbeleri» degen taqyrypta halyqaralyq konferensııa bolyp ótti. Sharany Grýzııa memlekettik qyzmet bıýrosynyń qoldaýymen Astana qalasyndaǵy memlekettik qyzmet salasynyń aımaqtyq haby uıymdastyrdy. Konferensııaǵa aımaqtyń 9 eliniń ókilderi, jemqorlyqpen kúres salasynyń sarapshylary men mamandary, sondaı-aq Qazaqstannyń Grýzııadaǵy Tóten­she jáne ókiletti elshisi Ermu­hambet Ertisbaev bastaǵan dıplomatııa qyzmetkerleri qatysty. Jıynda kóterilip otyrǵan taqy­ryp búgingi tańda kúlli álem­de óte bir ótkir másele bolyp sanalady. Onyń ózektiligi jem­qorlyqqa qarsy kúreske qazirgi kúnderi jahandaǵy barlyq mem­leketterdiń aıryqsha mán bere bas­taǵanynan kórinip otyr. Mun­da habtyń qatysýshy elderdegi memlekettik qyzmet júıesiniń bul máseledegi barynsha aktýaldi problemalaryn anyqtaý maqsatynda júrgizgen eki bazalyq zertteý jumystarynyń qorytyndylary talqylandy. Osylaısha, jemqor­lyq máselelerine zertteý júrgizý konferensııaǵa qatysýshy elder­diń basym kópshiliginiń qyzy­ǵýshylyǵyn týǵyzdy. Basqosýda PROON-nyń jemqorlyqqa qarsy kúresiniń ınstıtýttyq aspektilerin salystyrmaly taldaý nátıjelerine sáıkes, bul keleńsiz qubylystardyń qalaı jáne qaı júıelerde kóbirek kórinis tabatyny aıqyndaldy. Onda sondaı-aq, bulardyń aldyn alý men joıý joldary qarastyryldy. Astana haby basqarý komıtetiniń tóraǵasy Álıhan Baımenovtiń atap kórsetkenindeı, bul rette Grýzııada sońǵy jyldary qolǵa alynyp, júzege asyrylyp jatqan ozyq tájirıbeler nazar aýdarýǵa ábden turady. Elde salaǵa jańa kadrlar tartý, memlekettiń róline shekteý salý, máseleni sheshýdiń standarttan tys tásilderin engizý, halyqaralyq tájirıbelerdi jergilikti jaǵdaıǵa beıimdeý, buqaralyq aqparat quraldary men basqa da faktorlardy osy júıedegi strategııalyq maqsattarǵa paıdalaný birshama tabysty qolǵa alynyp, olar jemqorlyqqa qarsy kúresti aımaqta meılinshe utymdy júrgizýge septigin tıgizip keledi. Munyń ózi Grýzııanyń tájirıbesin alýǵa negiz bola alady. Konferensııa sheńberinde sondaı-aq habtyń «Grýzııa polısııasy júıesiniń jem­qorlyqqa qarsy sharalary» taqy­rybyndaǵy tapsyrysy boıynsha oryndalǵan jumys talqylaýǵa usynyldy. Rýslan IGILIK.