Sán kórsetilimi sana sergitti

Shyǵys óńirinde múmkindigi shekteýli búldirshinder ara­syn­da sán kórsetilimi ótti. Kór­se­ti­limde 9 eksklıýzıvti model usy­nyl­dy. Olardyń ishinde keń­se men arnaıy keshterge jáne kún­delikti kııý­ge arnalǵan kıim­der bar. Uıymdastyrýshylar dı­zaı­nerlerdiń kıimderdi múm­kindigi shek­teýli jandarǵa laıyq­tap, arnaıy tikkenin aıtady. Sán kórsetilimi ha­lyq­aralyq múgedekter kúnine oraı «Ke­dergisiz keleshek» jo­basynyń sheńberinde uı­ymdastyryldy. Shara barysynda modelder merekelik keshter men resmı kezdesýlerge arnalǵan kıimder legin usyndy. Arnaıy aıaqkıimder О́skemen qalasyndaǵy protezdik-or­topedııalyq or­talyqtyń qol­daýymen kórse­tilimniń ár qaty­sýshyna jeke tigilgen eken. Bul keshke 30 kópbalaly ana shaqyrylyp, olarǵa «Raı­skaıa ptısa» sulýlyq jáne den­saýlyq ortalyǵynyń qyz­metin tegin paı­dalanýǵa ar­nalǵan abo­ne­menttik kartochkalar syıǵa tar­tyldy. So­nymen birge, atalǵan sharaǵa О́skemen, Rıd­der qalalary men Ulan, Glý­bokoe, Zaısan, She­monaıha, Bes­qaraǵaı aýdan­­da­rynan kelgen 73 múm­kindigi shek­teýli búldirshin qatysty. Kesh so­ńynda olar­ǵa oblystyq drama teat­ry ártisteriniń qatysýymen «Kot v sapogah» atty balalar spektakli qoıyldy. Aıta ket­ken abzal, atalǵan shara­ny oblystyq jumyspen qam­tý jáne áleýmettik baǵ­dar­lamalardy úılestirý bas­qar­masy men «Nur Otan» par­tııa­synyń oblystyq fılıaly uıymdastyrdy. Dýman ANASh, «Egemen Qazaqstan». О́SKEMEN.