ORAL. 6 qańtar. Batys Qazaqstan oblysynyń ortalyǵy – Oral qalasynda aqyn, osy óńirdiń týmasy Qadyr Myrza Áliniń týǵan kúni atalyp ótildi. Bul týraly egemen.kz tilshisi habarlady.
Aqyn atyndaǵy mádenıet jáne óner ortalyǵynda «Sulý sózdiń sáıgúligi» atty Qadyr oqýlary ótip, jas órender óz ónerlerin kórsetti. Sondaı-aq, aqyn mýzeıinde onyń zamandastary bas qosyp, estelikter aıtty.
О́z sózinde aqyn, Qazaqstan Jazýshylar odaǵy oblystyq bólimshesiniń tóraıymy Aqushtap Baqtygereeva Qadyr Myrza Áliniń ult tarıhynan oıyp turyp oryn alǵanyn aıtty. «Qazaqtyń biregeı aqyny aramyzdan ketse de, oǵan degen yqylas, onyń eńbegine degen qyzyǵýshylyq eshqashan sýymaıdy. Búgingi ótip jatqan sharalar sonyń dáleli», – dedi Aqjaıyqtyń aqyn qyzy.
Sonymen qatar, aqynnyń shyǵarmashylyǵyna arnalǵan «Qazynaly Qadyr álemi» atty konsert ótkizildi. Bul shara barysynda qalamgerdiń eńbekterin nasıhattaýda belsendilik tanytqandar Qadyr Myrza Áli atyndaǵy medalmen marapattaldy. Odan bólek, osy jıynda Qadyr oqýlarynyń jeńimpazy men júldegerlerine alǵys hattar tabys etilip, aqynnyń ómirine arnalǵan «О́leńniń týyn jyqpaǵan» atty derekti fılmniń tusaýy kesildi.
Jyr súleıiniń 80 jyldyǵyna arnalǵan respýblıkalyq múshaıraǵa qatysqan jas aqyndardyń óleńder jınaǵy da osy keshte kópshilikke tanystyryldy.
Mýzeıdegi shara «Aqynǵa aq peıilmen...» atty kórmege ulasty.
Temir Qusaıyn.
Derek: egemen.kz.
Sýret: inform.kz.
