Kókshetaýda bolǵan órtte zeınetker áıel qaza tapty

KО́KShETAÝ. 23 qańtar. Kókshetaý qalasynda jeke úıde oryn alǵan órttiń saldarynan zeınet jasyndaǵy áıel qaza tapty. Bul týraly Aqmola oblystyq tótenshe jaǵdaılar departamentiniń deregine súıengen egemen.kz tilshisi habarlady. Vedomstvonyń málimetine qaraǵanda, oblys ortalyǵyndaǵy jer úıde oryn alǵan bul órt beıseenbi kúni tańerteń tirkelgen. «О́rtti sóndirý barysynda úıden 1948 jyly týǵan áıeldiń máıiti tabyldy. О́rt 08:20 saǵatta joıyldy. Onyń qamtyǵan aýmaǵy 80 garshy metrdi quraıdy. Aldyn ala boljam boıynsha, órttiń sebebi abaısyzdyqtan bolǵan», - dep málimdedi tótenshe jaǵdaılar departamentindegiler. Oblystyq ishki ister basqarmasynyń málimetine silteme jasaǵan «Qazaqstan jańalyqtary» agenttigi úıden tabylǵan áıeldiń syrtqy kelbetinen zorlyqpen óltirilý belgileriniń baıqalmaǵanyn jetkizdi. «Marqumnyń denesi qazir máıithanada, oǵan saraptama belgilendi О́limniń sebebi, ázirge tútinge tunshyǵý delinip otyr», - dep atap ótti polısııadaǵylar. Baqbergen Amalbek. Derek, foto: Aqmola oblysyq tótenshe jaǵdaılar departamenti.