Zeınetaqy tólemderiniń mólsheri jáne olardy alý tártibi

2016 jyly «Qazaqstan Respýblıkasynyń keıbir zańnamalyq aktilerine zeınetaqymen qamsyzdandyrý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń 2016 jylǵy 2 tamyzdaǵy № 342-V zańymen «Qazaqstan Respýblıkasynda zeınetaqymen qamsyzdandyrý týraly» Qazaqstan Respýblıkasynyń Zańyna engizilgen ózgerister men tolyqtyrýlarǵa sáıkes «BJZQ» AQ-tan tólenetin zeınetaqy tólemderin alý tártibi ózgerdi. BJZQ-da zeınetaqy jınaqtary bolǵan kezde belgilengen keste boıynsha mindetti zeınetaqy jarnalary (MZJ), mindetti kásiptik zeınetaqy jarnalary (MKZJ) esebinen BJZQ-dan tólenetin zeınetaqy tólemderine quqyǵy bar tulǵalar: – 63 jasqa tolǵan erler, 58 jasqa tolǵan áıelder 2018 jylǵy 1 qańtardan bastap – 58,5 jasqa; 2019 jylǵy 1 qańtardan bastap – 59 jasqa; 2020 jylǵy 1 qańtardan bastap – 59,5 jasqa; 2021 jylǵy 1 qań­tardan bastap – 60 jasqa; 2022 jylǵy 1 qańtardan bastap – 60,5 jasqa; 2023 jylǵy 1 qańtardan bastap – 61 jasqa; 2024 jylǵy 1 qańtardan bastap – 61,5 jasqa; 2025 jylǵy 1 qańtardan bastap – 62 jasqa; 2026 jylǵy 1 qańtardan bastap – 62,5 jasqa; 2027 jylǵy 1 qańtardan bastap – 63 jasqa tolǵanda alady; – eger múgedektigi merzimsiz bolyp belgilense, birinshi jáne ekin­shi toptaǵy múgedekter. Zeınetaqy tólemderin alýshy jalpyǵa birdeı belgilengen zeınet jasyna tolǵanda MZJ jáne MKZJ esebinen keste boıynsha zeınetaqy tólemderin taǵaıyn­daý týraly ótinishti re­simdeý úshin BJZQ-nyń jaqyn keńsesine baryp ótinish jasaýǵa tıis. Onyń ózimen birge jeke basyn kýálandyratyn qujattyń kóshirmesi, zeınetaqy jınaqtaryn aýdarý úshin alýshynyń bank shoty týraly málimetter bolý kerek. Sonymen qatar, alýshy zeı­netaqy tólemderin resimdeý úshin qujattardy senim bildirilgen adam ne poshta baılanysy arqyly da bere alady. Qazaqstan Respýblıkasy zańna­masynyń talaptaryna sáıkes kele­tin qujattar berilgennen keıin, BJZQ zeınetaqy tólemderin on jumys kúni ishinde júzege asy­rady. Tólemder kezeńdiligin alý­shynyń ózi belgileıdi, mysaly, jy­lyna bir ret, toqsan saıyn bir ret ne aı saıyn. Alýshy zeınetaqy jınaqt­ary­nyń barlyq somasy respýblıkalyq bıýdjet týraly zańda tıisti qar­jy jylyna belgilengen eń tó­men­gi zeınetaqynyń otyz eselengen mólsherinen az bolǵan jaǵ­daı­da,sol barlyq somany ala alady. Eger tólem jasalǵannan keıin jeke zeınetaqy shotyndaǵy zeı­netaqy jınaqtarynyń qaldyǵy eń tómengi zeınetaqy mólsherinen az somany qurasa, osy qaldyq tólem somasymen birge tólenedi. Zeınetaqy jınaqtaryn aýda­rýǵa, esepteýge jáne tóleýge baılanysty bank qyzmetterine aqy tóleý, olardy aıyrbastaý jáne alýshylardyń shetel bankterinde ashylǵan bank shottaryna aýdarýdy qospaǵanda, BJZQ-nyń óz menshikti qarajaty esebinen júzege asyrylady. Zeınetaqy zańnamasyna sáı­kes BJZQ mindetti zeınetaqy jar­nalaryn, mindetti kásiptik zeınetaqy jarnalaryn, erikti zeınetaqy jar­nalaryn tartýdy, zeınetaqy tólem­derin, zeınetaqy jınaqtary men tólemderin jeke esepke alýdy júzege asyrady, salymshyǵa (alýshyǵa) zeı­netaqy jınaqtarynyń jaı-kúıi týraly aqparat beredi (tolyǵyraq www.enpf.kz), dep habarlady «BJZQ» AQ baspasóz ortalyǵy.