Astana qurylysynda ósý bar

О́tken jyldyń qorytyndysyna sáıkes qurylys jumystarynyń kólemi 472 mlrd. teńgeni qurap, 1759,0 myń sharshy metr baspana paıda­lanýǵa berildi. Bul – elorda tarı­hyn­daǵy eń joǵary kórsetkish. Qolda­nýǵa berilgen baspana kóle­mi 2014 jylǵy kórsetkishpen salys­­tyrǵanda 146%-ǵa artyq eken­­digi baıqalady. Osylaı dedi Prezı­dent janyn­daǵy Ortalyq kommý­­nıkasııalar qyzmetindegi elordanyń qurylys sala­syn­da atqarylǵan jumys qory­tyn­dylaryna baılanysty ótken bas­pasóz máslıhatynda Astana qa­lasy ákiminiń birinshi oryn­­ba­sary Sergeı Horoshýn. Onyń aıtýyna qaraǵanda, 2015 jyly jal­py aýmaǵy 2371 myń sharshy metr bolatyn barlyǵy 1135 ár­túrli nysandar paıdalanýǵa berildi. Sonymen qatar, tutynýǵa usynyl­ǵandardyń qatarynda 107 áleýmettik nysan, sonyń ishinde árqaısysy 1200 oryndyq jalpy bilim beretin 4 mektep, 1720 oryndyq 8 balabaqsha bar. Buǵan qosa, 250 tósek-oryndyq balalar juqpaly aýrýlar aýrýhanasy, medısınalyq-áleýmettik saýyqtyrý ortalyǵy, sol jaǵa­laý­da 500 kelýshige arnalǵan ambýla­torııalyq-emhanalyq keshen, Qazaq­stan Respýblıkasy Prezıdenti Is basqarmasynyń klınıkalyq-ońaltý kesheni sııaqty densaýlyq saqtaý nysandary paıdalanýǵa berildi. Jáne de «Qoljetimdi turǵyn úı-2020» memlekettik baǵdarlamasy aıasynda 343 myń sharshy metr, sonyń ishinde eski jáne apatty jaǵdaıdaǵy úılerdi buzý jónindegi qanatqaqty joba sheńberinde 151 myń sharshy metr baspana qol­danýǵa berilip otyr. Bul turǵyda qanatqaqty joba bastalǵaly beri apatty jaǵdaıdaǵy úılerdiń 1762 turǵyny óz páterleriniń kiltin ıemdendi. Bekitilgen kestege sáıkes jo­banyń 1-kezegin tolyq júzege asyrý 2017 jyldyń ekinshi jartysynda aıaqtalady. Indýstrııalyq park aýmaǵynda 27 óndiristik nysan paıdalanýǵa berilip, 2735 jańa jumys orny ashylǵan. Bul rette jalpyekonomıkalyq konıýnk­týra damýynyń turaqsyzdyǵyna qaramastan bıylǵy jyly ekono­mıkanyń qurylys salasyndaǵy ósý qarqynyn keminde 104% kóleminde saqtap qalamyz, degen josparyn atap ótken ákimniń birinshi orynbasary osy baǵyttarda júıe­li jumystar atqarylatynyn naq­tylady. Onyń aıtýynsha, qolda bar qarjylyq resýrstardyń azdyǵyna baılanysty halyqaralyq qarjy uıymdarymen, sonyń ishinde memleket-jekemenshik seriktestigi tetikterin paıdalaný arqyly qaryz ben nesıe tartý maqsatynda ákimdik tarapynan jumystar júrgizilýde. Bul baǵytta osy jyl­dyń ózinde 960 oryndyq 4 bala­baqsha, 4 ambýlatorııalyq emhana, 4 parkıng qurylysy jobalaryn bas­taý josparlanyp otyr. Búgingi tańda Astana qalasynda qurylys kezeńinde – 2591, jobalaý kezeńinde 1195 nysan júzege asyrylýda. Sondaı-aq, elordada turǵyn úı salýdaǵy birqatar túıtkilderge tolyǵyraq toqtalǵan S.Horoshýn «Qazaqstan Respýblıkasyndaǵy sáýlet, qala qurylysy jáne qury­lys qyzmeti týraly» jáne «Turǵyn úı qurylysyna úlestik qatysý týraly» zańdardy buzýǵa jol bergen turǵyn úı salýshylarǵa qatysty jaǵdaılardy baıandady. О́tken jyly qurylys salasy boıynsha 909 buzýshylyq, páterlerdi zańsyz satý boıynsha 37 derek anyqtalyp, osy máselege oraı memlekettik organdar tarapynan qajetti sharalar qabyldandy. Búgingi kúni qandaı da bir qu­rylys jumystaryna kirisken­der óz betimen salýdy bas­ta­ǵan nysandarynyń qurylysyn sot sheshimimen toqtatyp, keıin aıyp­pul tólegenshe, zańmen belgi­lengen tártiptegi ruqsat qaǵaz­darymen jumys isteýdiń tıimdi ekendigine kózderi jetti, deıdi S.Horoshýn. Elmıra MÁTIBAEVA, «Egemen Qazaqstan».