QOSTANAI. 28 qańtar. Bıyl 75 jasqa tolyp otyrǵan belgili sýretshi Georgıı Sokov mereıtoılyq kórmesin «Dostar mýzeıi» dep atapty. Ol kórmege óziniń sýretshi dostary ár jyldary syılaǵan shyǵarmalardy toptastyrypty. Bul týraly alau.kz saıtyna silteme jasaǵan egemen.kz tilshisi habarlady.
Georgıı Sokov óziniń dostary men áriptesteri syılaǵan sýretterdi jyldar boıy jınap kelgen. Olardyń keıbirine 50 jylǵa jýyqtaǵan. Sondyqtan sýretshiniń bul kórmesindegi shyǵarmalar da túrli janrda boldy.
Sýretshi Georgıı Sokov: «Maǵan ár sýret qymbat. Olar meniń ótken ǵumyrym men jyldarymdy, dostarymdy, jastyǵymdy eske salady. Osy sýretti syılaǵan kisilerdiń birazy qazir bul dúnıede joq. Bul sýretterdiń eshqaısysyn joǵaltpaı úıde saqtaǵanmyn. Degenmen olardyń sórede jatqany bir bólek te, kórme retinde jurttyń nazaryna usynǵanym tipti erekshe emes pe?», – dedi.
Sýretshiniń mereıtoıyna oraı jaqyn kúnderi onyń teatr eskızderi suńǵat jáne keskindeme janryndaǵy shyǵarmalarynyń eki kórmesi ashylatyn bolady.
Názıra Járimbetova.
Derek, sýret: alau.kz.
