ALMATY. 28 qańtar. Almaty oblysynyń Úsharal qalasynan Taldyqorǵanǵa bet alǵan «Aspan» kompanııasynyń bort nómiri UP-MD 600-N tik ushaǵy joǵaldy. Bul týraly Qazaqstan Respýblıkasynyń Ishki ister mınıstrligi tótenshe jaǵdaılar komıtetiniń baspasóz qyzmetine silteme jasaǵan egemen.kz tilshisi habarlady.
Tikushaqta 5 adam bolǵan. Olar ushqysh V. Kondratıýk (1967 j.), dáriger-gematolog B.Qaısanov (1964 j.), feldsher G.Hamıtova (1993 j.), Qarlyǵash Ábilqasym (1989 j.) jáne onyń sábıi Baǵym Ábilqasym (2015 j.) Tikushaq úsharaldyq naýqas sábıdi Taldyqorǵanǵa jetkizýge baǵyt alǵan.
Qazaqstan Respýblıkasy Ishki ister mınıstrliginiń buıryǵymen izdestirý jumystary júrgizilip jatyr. Jedel toptyń quramynda 75 adam, 11 arnaýly tehnıka bar. Sondaı-aq, oblystyq ishki ister qyzmetiniń arnaıy jasaqtalǵan toby, áskerıler barlyǵy 500- ge jýyq adam izdestrý jumystarymen aınalysýda. Oblystyq tótenshe jaǵdaılar qyzmeti tikeleı habarlasýǵa mynandaı 8-7282-220460 telefon nómirin jarııalady.
Talǵat Súıinbaı.
Derek, sýret: Qazaqstan Respýblıkasynyń Ishki ister mınıstrligi tótenshe jaǵdaılar komıtetiniń baspasóz qyzmeti.
