Qýanǵanymyzdy qaıteıik...

Aqtaýda 45 mln. teńgeden astam bıýdjet qarjysyna salynǵan jańa velojoldar opyrylyp qaldy Aqtaý qalasyndaǵy «Báıterek» saýda ortalyǵynyń mańyndaǵy 16 jáne 27 shaǵyn aýdandar aralyǵyn­da jańadan trotýar salynyp, turǵyndar «áı, jaraısyń»» dep is ba­syndaǵylarǵa bir rıza bolyp qal­ǵandaı bolyp edi. Qýanysh uzaqqa barmady – til ótti me, kóz ótti me, qaıdam, jańa jol ózdiginen opyrylyp qaldy. Aıtýshylar, joldyń opyrylýy Aqtaý qalasyna sońǵy kezderde jaýǵan qar men jańbyrdyń áserinen dep bir qoıdy. Tas tósenishter kommýnıkasııalyq qubyrlar ústine qoıylǵan. Jol salýshylar Eýropanyń qar jaýyp, aýa raıy buzylsa, jer astyndaǵy jylý qubyrlary áserinen trotýarlar boılaryndaǵy qar erip, júrýshilerge kedergi keltirmeıdi, kóktaıǵaq bolmaıdy degen ádisin negizge alǵanǵa uqsaıdy. Alaıda, tastyń sapasy sekildi keıbir erekshelikter eskerilmese kerek. Jýyrda ǵana aıaqtalyp, turǵyndar ıgiligine usy­nylǵan atalmysh jolǵa Aqtaý qalalyq bıýdjetinen 45 mln.-ǵa jýyq teńge qarjy bólingen. Osynsha qarjyǵa salynǵan joldyń qırap qalýy ókinishti... Oqıǵany ańǵaryp, jar salǵan jýrnalıs­ter bastapqy kezeńde kimnen jaýap alaryn bilmeı daǵ­darǵan bolatyn. Araǵa birer kún salyp Aqtaý qalasy ákiminiń orynbasary О́.Bısaqaev atalmysh máselege mańynda jarylǵan kanalızasııa qubyrynyń áseri bolǵandyǵyn aıtyp, jóndeý jumystary qolǵa alynǵandyǵyn jetkizdi. Gúlaıym ShYNTEMIRQYZY, «Egemen Qazaqstan».   Mańǵystaý oblysy.