ALMATY. 9 aqpan. Almaty qalasyndaǵy Ǵabıt Músirepov atyndaǵy qazaq memlekettik akademııalyq balalar men jasóspirimder teatrynda aqıyq aqyn Muqaǵalı Maqataevtyń 85 jyldyǵyna oraı, teatrdyń «Keıipker kelbeti» meıman buryshynda aqynnyń uly Juldyz Muqaǵalıuly jáne «Muqaǵalı Maqataev atyndaǵy halyqaralyq qoǵamdyq qorynyń» tóraıymy Baqytkúl Qydyrbaıqyzymen kezdesý keshi ótedi. Bul týraly egemen.kz tilshisi habarlady.
Teatr qabyrǵasynda kórermender ózderiniń súıikti akterlerimen kezdesip qana qoımaı, kókeıindegi suraqtardy qoıyp, betpe-bet dıdarlasa alady. Al bul keshtiń basty maqsaty – qazaqtyń mańdaıyna bitken uly perzentiniń týǵan kúnin eskerýsiz qaldyrmaý jáne teatrǵa kelýshi qonaqtarǵa ádebıetimizdiń altyn qoryna engen ónegege toly aqyn óleńderin nasıhattaı otyryp, sahnada aqynnyń ózimen «júzdestirý».
Aqpannyń 9-y kúni saǵat 17:15-te ótetin kezdesýden soń, teatr repertýaryndaǵy jańa týyndy Muqaǵalı Maqataevtyń «Raıymbek! Raıymbek!» (rejısseri Qazaqstan Respýblıkasynyń eńbek sińirgen ártisi – Murat Ahmanov) poetıkalyq dastany kópshilik nazaryna usynylady.
Aınash Esalı.
Derek, sýret: egemen.kz.
