Jumys júıesi jaqsarady

«Nur Otan» partııasynyń Ortalyq apparatynda partııa janyndaǵy mádenıet pen ónerdi damytý máseleleri jónindegi «Mıras» qoǵamdyq keńesiniń otyrysy boldy. Beınemájilis baılanys júıesinde ótken jıynǵa «Mı­ras» qoǵamdyq keńesiniń tóraǵasy, Parlament Májilisi V shaqy­rylymynyń depýtaty Máýlen Áshimbaev tóraǵalyq etti. Belgili saıasatkerler, memleket jáne qoǵam qaıratkerleri, Parlament Senaty men Parlament Májilisiniń V shaqyrylymynyń depýtattary, ǵylym men óner salasynyń ókilderi qatysqan jıyndy ashqan M.Áshimbaev «Nur Otan» partııasynyń kezekten tys XVII sezinde Elbasy, partııa Tóraǵasy Nursultan Nazarbaev 5 ınstıtýttyq reforma sheńberindegi «100 naqty qadam» Ult Josparyn júzege asyrýǵa baılanysty birqatar mindetter júktegenin eske saldy. Osy oraıda, partııa Ult Josparyn júzege asyrýǵa halyqty jumyldyrý, memlekettik baǵdarlamalardyń oryndalýyna tıimdi baqylaýdy qamtamasyz etý, el arasynda túsindirý jumystaryn júrgizý syndy mindetterge basymdyq berip otyrǵanyn jetkizdi. Sondaı-aq, M.Áshimbaev «Mıras» qoǵamdyq keńesi óziniń aldaǵy otyrystarynda osy reformanyń «Birtektilik pen birlik» atty tórtinshi baǵyty keńirek talqylanatynyn atap ótti. «Biz bul otyrysta Qazaqstan Táýelsizdiginiń 25 jyldyǵyna oraı, Memleket basshysy N.Nazarbaevtyń «Ult Jospary – qazaqstandyq armanǵa bastaıtyn jol» baǵdarlamalyq maqalasynda aıtylǵan máselelerge sáıkes, júzege asyratyn is-sharalardy qaraýdy kózdep otyrmyz. Jalpy, Elbasymyzdyń jarııalaǵan 5 ınstıtýttyq reformasy, «100 naqty qadamy» elimizdiń, búkil halyqtyń aldyna jańa deńgeıdegi strategııalyq maqsattar qoıatyny sózsiz. Bul úlken baǵdarlamanyń negizgi maqsaty – Qazaqstandy álemdegi asa 30 damyǵan memlekettiń qataryna qosý. Ol elimizdiń ekonomıkasynyń, saıası júıesiniń barlyq salasy men barlyq qyryn qamtıdy desek, artyq aıtqandyq bolmas. Bul reformanyń negizgi maqsaty – elimizdiń Táýelsizdigin kúsheıtý jáne ony máńgilik etý», – dedi M.Áshimbaev. Ol mundaı bastamalardy júzege asyrý tek memlekettik organdardyń ǵana jumysy emes, búkil qoǵamnyń, halyqtyń aldynda turǵan mindet ekenin, bul rette, reformany júzege asyrý sharalaryna zııaly qaýym ókilderiniń qatysýyn da jón dep esepteıtinin jetkizdi. «Jalpy, 1 qańtardan bastap, úlken reformany júzege asyrý úderisi bastaldy. V shaqyrylymdaǵy Parlament Májilisi 60-qa jýyq zań qabyl­dap, osyndaı reformalarǵa quqyq­tyq negiz qalyptastyrdy. Endigi úlken maqsat – Úkimet, Parla­ment Senaty men jańadan saılanatyn Parlament Májilisi, qoǵam­dyq uıymdar, zııaly qaýym birigip, memleket aldynda turǵan mindetterdi júzege asyrý», – dedi M. Áshimbaev. Budan keıingi kezekte sóz alǵan belgili memleket jáne qoǵam qaıratkeri, Parlament Májilisiniń V shaqyrylymynyń depýtaty Qýanysh Sultanov Elbasynyń baǵdarlamalyq maqalasynda aıtylǵan túıindi máselelerge barynsha nazar aýdarylý kerektigin jetkizdi. «Adamda arman kóp. Arman – adam ómirine, sanasyna tán erekshe qubylys. Al kez kelgen eldiń, ulttyń, qoǵamnyń basty armany – erkin el, táýelsiz ult, memleket dárejesine jetý ekendigi de zańdylyq. «Ult Jospary – qazaqstandyq armanǵa bastaıtyn jol» baǵdarlamalyq maqalasynda kóterilgen máseleler «100 naqty qadamǵa» baılanysty qabyldanǵan zańdyq negizderge súıene otyryp aıtyldy. Elbasy óziniń maqalasynda, sondaı-aq, qabyldanǵan zańdardy júzege asyrý arqyly memlekettiń jańa sapalyq deńgeıge kóteriletindigin jetkizdi. Al memlekettiń jańa sapasyn kim jasaıdy? Ony halyq jasaıdy. Halyq ókilettiligin bergen Úkimet jasaıdy. Bılik tarmaqtary jasaıdy. Al elimizdiń 30 damyǵan memlekettiń qataryna kiremiz degendegi armanynyń birden-bir mazmuny – ulttyq sanany qalyptastyrý», – dedi Q.Sultanov. Parlament Senaty Áleýmettik-mádenı damý jáne ǵylym komı­tetiniń tóraǵasy Aqan Bıjanov Elbasy maqalasynyń ózegi qazirgi jaǵdaıda elimizde turaqtylyqty ornyqtyrý jáne ony qamtamasyz etý ekenin jetkizse, Halyqaralyq Túrki akademııasynyń prezı­denti Darhan Qydyráli: «Áleý­met­tanýshylardyń pikirinshe, ulttar da, órkenıetter de, mádenıetter de adam sııaqty. Olardyń ósý kezeńi, kemeldený shaǵy bolady. Biraq, órkenıetter men mádenıetter, memleketter adam ǵumyryna qaraǵanda, uzaq ǵumyrly bolady. Alaıda, olardyń qysqa nemese uzaq ǵumyrly bolýy memlekettiń armanyna, onyń ishki nıeti men qýatyna baılanysty. Eger bir eldiń armany bolmasa, ol eldiń ǵumyry da qysqa bolýy múmkin. Qazir Qazaqstan jańa armanmen, jańa ańsarmen, jańa maqsatpen óziniń kún tártibin belgilep otyr. Demek, muny memleketimizdiń bolashaǵyn aıqyndaıtyn baǵdary dep esepteýge bolady», – dedi. Kezdesý beınekonferens baı­lanys júıesi retinde de ótken­dikten, oǵan «Mıras» qoǵamdyq keńesiniń aımaqtardaǵy músheleri de tikeleı qosylyp, ózderin tolǵandyrǵan máseleler jóninde áńgime qozǵady. Al jıyn sońynda Qoǵamdyq keńes músheleri Qazaqstan Táýel­siz­diginiń 25 jyldyǵyna oraı, Elba­synyń «Ult Jospary – qazaq­standyq armanǵa bastaıtyn jol» baǵdarlamalyq maqalasyn nasıhattaý sharalaryn jáne «Mıras» qoǵamdyq keńesiniń 2016 jylǵa arnalǵan jumys josparyn bekitti. Láıla EDILQYZY, «Egemen Qazaqstan».