Shańǵy marafony Rıdderde ótken saıysqa 260 sportshy qatysty

Rıdder qalasynda «Nur Otan» partııa­synyń qoldaýymen el Táýelsizdiginiń 25 jyl­­­dyq mereıtoıyna oraı shańǵy marafony ótti. Atalǵan jarysqa barlyǵy 260 jas sportshy qatys­ty. Olardyń arasynda rıdderlikterden bólek, Semeı qalasy men Zyrıan, Shemonaıha, Glýbokoe, Úrjar, Kúrshim aýdandarynan kelgen sportshylar bar. Shańǵyshylar marafonynyń Rıdderde ótýi beker emes. Munda sportta daryndy balalarǵa ar­nalǵan respýblıkalyq mektep-ınternat pen oblystyq balalar-jasóspirimder sport mek­tebi ornalasqan. Osy mek­tepterdiń oqýshylarynyń jat­tyǵýyna qajetti jaǵdaıdyń bar­lyǵy bu­rynǵy Lenınogor shı­pajaıynyń aýmaǵynda ja­salǵan. – Elbasy Nursultan Nazarbaev dástúrli Joldaýynda halyq den­saýlyǵyn Qazaqstannyń strategııalyq maqsattarǵa jetý jo­lyndaǵy sáttilikteriniń bir bólshegi retinde atap kór­set­ken bolatyn. Iаǵnı, deni saý adam – memleket baılyǵy. Son­dy­qtan, básekege qabiletti ult qalyptastyrý, azamattardyń densaýlyǵyn nyǵaıtý úshin eli­mizde sportty qoldaýǵa zor kó­ńil bólinip otyr. 2020 jylǵa qaraı, elimizde buqaralyq sportpen shuǵyldanýshylar sany 30 paıyzdy quraýy tıis. Osy maqsatqa jetý jolynda barsha­myz óz úlesimizdi qosýymyz qajet, – dedi «Nur Otan» partııasy Rıdder qalalyq fılıaly tóraǵasynyń birinshi oryn­basary Nadejda Klımova. Oqýshylar 1200, 1400 jáne 2500 metrge jarys jolyna shyqty. 6 jastan 16 jasqa deıingi balalar shańǵy marafonynyń túrli qashyqtyqtaryn baǵyndyrý úshin jarysty. Olardyń basym bóligi respýblıkalyq jáne ob­lystyq sport mektepteriniń oqý­­shylary. Jalpy, táýel­siz­digimizdi alǵan shırek ǵa­syrdyń ishinde elimizde qysqy sport túrleri sheberleriniń jańa býyny qalyptasty. Ásirese, Rıd­der mektebiniń túlekteri Alek­seı Poltoranın, Anastasııa Slo­nova, Svetlana Malahova, Alek­seı Cherepanov, Roman Rogo­zın, Galına Vıshnevskaıa syndy jo­ǵary deńgeıdegi sheberlikke jetken sportshylar kúlli álemge Qazaqstandy tanytyp, el namysyn qorǵap júr. Marafon jeńimpazdary res­pýb­lıkalyq jarystarǵa qa­tysýǵa arnalǵan joldamalardy utyp aldy. Dýman ANASh, «Egemen Qazaqstan». Shyǵys Qazaqstan oblysy, Rıdder qalasy.