О́zbekstan buryn-sońdy bolmaǵan qalyń qardyń astynda qaldy

ASTANA. 12 aqpan. О́zbekstanda kópten beri kórinis tappaǵan sensasııalyq oqıǵa oryn aldy. Respýblıkanyń barlyq aımaǵy bir mezgilde qalyń qardyń astynda qaldy. Bul týraly ras.kz-ke silteme jasaǵan egemen.kz habarlady. Ádette Qyzylqumnyń shóldi aımaǵynda qys pen kóktem aılarynda jylyna 100-200 mıllımetr kóleminde ǵana ylǵal túsýshi edi. Qazir bul jerlerdiń bári qalyń qardyń kórpesin jamylyp jatyr. Tań qalarlyǵy, respýblıkanyń eń bir ystyq jáne shóleıtti óńirlerine qardyń kóbirek túskeni baıqalady. Al Qyzylqum aýmaǵyndaǵy qardyń qarqyny kórshiles Túrikmenstan jáne Qazaqstan oblystaryna da áserin tıgizgen. «Eldiń eń ystyq núktesi – Qyzylqum shóline jaýǵan qardyń mólsheri óte kóp», – dedi О́zbekstan memlekettik tabıǵat komıtetindegiler. Sondaı-aq, olar Buhara jáne Navoı oblystarynyń bir bólikterin qalyń ulpanyń basyp tastaǵanyn aıtty. Aıta keteıik, bul atalǵan aımaqtar úshin óte sırek kezdesetin qubylys bolyp tabylady. Degenmen, tutastaı alǵanda, О́zbekstanda bıylǵy qys jyly, is júzinde eshqandaı aıazsyz qalypta ótip jatyr. Talǵat Raıymbek. Derek: ras.kz. Sýret: vk.com.