Qazaqstan sportshylary Norvegııadaǵy elshilikte boldy

ASTANA. 12 aqpan. Norvegııanyń Oslo qalasynda jasóspirimderdiń Qysqy Olımpııa oıyndaryna qatysatyn sportshylarymyz ben Ulttyq olımpıada komıtetiniń ókilderi Qazaqstannyń osy eldegi elshiliginde boldy. Bul týraly egemen.kz tilshisi habarlady. Elshilikte elimizdiń Olımpıadaǵa barǵan delegasııasy Qazaqstannyń Norvegııa Koroldigindegi tótenshe jáne ókiletti elshisi Qaırat Ábýseıitovpen kezdesti. Kezdesýde elshi Olımpıadada 20 sportshymyzdyń el namysyn qorǵaıtynyn, olardyń arasynda qazirdiń ózinde jas bolsa da bas bola biletin jasóspirimderimizdiń bar ekenin aıtyp, jarys kezinde elshilik otandastarymyzdyń jaqsy jarysýy úshin qolda bar múmkindiktiń barlyǵyn jasaıtynyn aıtty. О́z kezeginde Ulttyq olımpıadaqkomıtetiniń vıse-prezıdenti Andreı Krıýkov jarysta jastarymyzdyń sporttyń 9 túrinen qatysatynyn, qazir olarǵa barlyq jankúıerlerdiń elimizge júldelerdi arqalap ákeletinine úmitpen qarap otyrǵanyn atap ótti. Norvegııadaǵy elshimiz 1994 jyl dál osy qalada, Lıllehamerde Qazaqstan sportshysy Vladımır Smırnovtyń altyn medaldi jeńip alǵanyn, odan keıin eshkimniń Olımpııa oıyndarynda qurmet tuǵyrynyń eń bıik satysyna kóterlimegenin eske salyp, sonyń nátıjesin bıylǵy dodada jastarymyzdyń qaıtalaıtynyna senim bildirdi. Dastan Kenjalın. Derek: Qazaqstannyń Ulttyq olımpııalyq komıteti. Sýret: egemen.kz