Qıyndyqqa qaldyrmaý qadamy

Memleket basshysy Nursultan Nazarbaevtyń tóraǵalyǵymen ótken Úkimettiń keńeıtilgen otyrysynda búgingi el tynysy jan-jaqty saralandy. Elbasy qazirgi almaǵaıyp kezeńniń kelbetin dóp basyp, qoǵamdaǵy kóptegen kókeıkesti máselelerge toqtaldy. Prezıdenttiń parasatty paıymdary árdaıym kóńilimizden shyǵyp keledi. «Nur Otan» partııasynyń XVII sezinde Elbasy Keńes Odaǵyndaǵy valıýtanyń dollarǵa shaqqandaǵy qymbattyǵy týraly jaqsy aıtqan edi. Úkimet otyrysynda da valıýta turaqtylyǵy bank basshylarymen birge talqyǵa tústi. Men keńestik kezeńde uzaq jyldar boıy partııa qyzmetinde boldym. Shynynda, taýarlardyń qat bolýy keńestik ekonomıkanyń tuıyqtyǵynan týǵan tanys jaǵdaı edi. Búginde izdegen zatyńyzdy tabýǵa bolady. Qazaqstan naryqtyq ekonomıkany sátti eńsere bildi. Eńbek etseńiz, qalaǵan dúnıege qol jetkizesiz. Elbasynyń túıindi baılamdary qazirgideı daǵdarys sátinde elimizdegi ıgilikterdi baǵalaýǵa jeteleıdi. Memleketimizde halyqtyń ál-aýqatyn jaqsartýǵa, kásipkerlerdi qoldaýǵa negizdelgen saıasat júzege asyrylýda. Máselen, Úkimet otyrysynda «Nurly Jol» baǵdarlamasy aıasynda turǵyn úı alańyn kóbeıtý, ınfraqurylymdardy jańartý sóz boldy. Álem elderi qıyn jaǵdaıda qalǵan kezeńde zeınetaqynyń, áleýmettik tólemderdiń ósip jatqanyn bilemiz. Maqanshy aýyldyq okrýginde 1,5 myń zeınetker turady. Barsha otandastarymyzben birge bizdiń ardagerler de bıylǵy zeınetaqy kóleminiń kóbeıýin qýanyshpen qabyldady. Aýyldyq mádenıet úıindegi ardagerler bólmesinde zeınetkerler bas qosyp, áńgime-dúken quryp, doıby, shahmat oınaıdy. Jýyrda jerles kásipker Sovet Shóshekov 2 mıllıon teńge jeke qarjysyna kópshilik jınalatyn osy oryndy qajetti zattarmen jabdyqtap berdi. Jalpy, aýyldyń qoǵamdyq ómirinde ardagerlerdiń alatyn orny zor. Biz, turaqtylyq pen beıbit turmystyń qadirin ár kez jas býynǵa aıtyp otyramyz. Úkimet otyrysynda kóterilgen máseleler de Qazaqstandy qıyndyqqa qaldyrmaý jolyndaǵy qajyrly qadamnyń biri dep bilemiz. Jumaǵazy JAQANBAEV, Maqanshy aýyldyq ardagerler keńesiniń tóraǵasy. Shyǵys Qazaqstan oblysy.