Jańashyldyq boıymyzǵa tán qasıet

Álemdi qarjylyq turaqsyzdyq jaılaǵan búgingideı qıyn kezeń­de turmystyń turaqty bolýy ekonomıkanyń barlyq salalaryn, sha­ǵyn jáne orta bız­nesti qoldaý, halyqtyń jumyspen qamtylýyna basa nazar aýdarý sharalaryn tıimdilikpen júzege asyrýǵa kóp baılanysty. Bul jóninde Úkimettiń keńeıtilgen otyrysynda Elbasy qadap aıtyp, daǵdarysqa qarsy is-qımyl jospary sheńberinde birqatar naqty tapsyrmalar júktedi. Bul talaptardyń qaı-qaısysy bolsyn ekonomıkalyq ósimdi qamtamasyz etýdi, jańa jumys oryndaryn qurýdy, «Nurly Jol» memlekettik baǵdarlamalaryn oryndaýdy ditteıdi. Maǵan Nursultan Ábishulynyń: «Biz ındýstrııalyq nysandar salýdy jalǵastyryp, jańa naryqtarǵa jol ashyp otyrmyz. Daǵdarysqa qarsy bizdiń ekonomı­kalyq saıasatymyz tek eko­nomıkalyq ósim­niń jańa joldaryn izdeý men tabýǵa ǵa­na baǵytttalyp otyr­ǵan joq. Meniń tap­syrmalarymnyń bári­niń túp maqsaty – qa­rapaıym adamnyń muń-muqtajy, onyń ál-aýqaty men tur­mysynyń turaq­ty­lyǵy», degen sózderi úl­ken oı saldy. Táýelsizdiktiń al­ǵashqy jyldary Mem­leket basshysynyń qa­tysýymen irgetasy qalanyp, ashyl­ǵan, bul kúnderi otandyq ónim­dermen 14 alys-jaqyn shetelge tanylyp otyrǵan biregeı kásiporyn – «Sultan -EDMK» AQ-tyń alǵashqy aıaq alysy esime tústi. Qazaqstan boıynsha alǵashqy ınvestısııalyq jobany túriktiń «Okan Holdıng Isot» fırmasy osylaısha quıǵan edi. Búginde keshenniń quramyna syıymdylyǵy 93 myń tonnany quraıtyn elevator, qatty jáne jumsaq bıdaıdan joǵary jáne 1-shi, 2-shi surypty nan pisirýge jáne makaron shyǵarýǵa arnalǵan un úgetin 2 dıirmen, shveısarııalyq «Buhler» fırmasynyń tehnologııasy jelisimen jumys isteıtin zamanaýı jabdyqtar kiredi. Shırek ǵasyrǵa jýyq ýaqyt bederinde barlyq óndiristi qaıta qurý jáne jańǵyrtý, tehnologııalyq prosesterdi jetildirý, tehnıkalyq jaǵynan qaıta jaraqtandyrý úzbeı júrgizilip keledi. Táýliktik qýattylyǵy 200 tonnany quraıtyn №2 dıirmen, makaron ónimderin shyǵaratyn 4-shi jeli iske qosyldy, №1 dıirmen men qysqa kesindili makaron buıymdaryn óndiretin №1 jelige kúrdeli jóndeý júrgizilip, negizgi qurylǵylar jańartyldy. Qazirgi ýaqytta qýatty elevator jylyna 100-120 myń tonna astyq qabyldap, keptiredi, óńdeıdi, salqyndatady jáne saqtaıdy. Keshenniń joǵary surypty bıdaı uny men makaron ónimderi «WorldFoodKazakhstan – 2013» halyqaralyq jármeńkesinde joǵary sapalylyǵy úshin «Azyq-túlik taǵamdary» atalymynda «Altyn medal» men I orynǵa ıe boldy. Kásiporyn «Paryz – 2015» bıznestiń áleýmettik jaýapkershiligi» oblystyq baıqaýynyń «SQO ekologııasyna qosqan úlesi úshin» atalymy boıynsha jeńis bıiginen kórindi. Úsh aýysymda jumys isteıtin 350 adamǵa jaqsy jabdyqtalǵan ashana men medısınalyq qosyn qyzmet kórsetedi. Qazaqstan Prezıdenti áleýmettik saıasattyń basym mindeti jumys oryndaryn saqtap, jańa jumys oryndaryn ashý bolyp sanalatyndyǵyna úlken nazar aýdardy. Osyǵan baılanysty bıyl Úkimettiń arnaýly rezervinen qosymsha 100 mıllıard teńgege jýyq qarjy bólýge tapsyrma berdi. Kóptegen elder áleýmettik kiristerin qysqartýǵa, jobalaryn toqtatýǵa májbúr bolsa, qazaqstandyqtar jańashyldyq, alǵa umtylýshylyq, istiń kózin taba bilýshilik qasıetteri arqasynda daǵdarysty eńserip keledi. Idrıs KARTAL, «Sultan» elevator-dıirmen makaron kesheni»» AQ bas dırektory. Soltústik Qazaqstan oblysy.