Qazan aýzy joǵary

Saryaǵash aýdanynda jańa nan sehy iske qosyldy. Kásipkerlikke keń óris ashylǵan búgingideı zamanda bul alaqan soǵyp súıinshi suraıtyndaı oqıǵa da emes shyǵar. Bir qyzyq keptiń eske túsip turǵany. «Egemen Qazaqstan» res­­­pýblıkalyq gazeti» AQ pre­zıdenti Saryaǵashpen irgeles Ke­les aýylynyń azamaty. Toqash Ber­dııarovtaı aqtańger aqyn poe­zııasynyń tórinen árdaıym oryn bergen Keles kezinde bólek aýdan bolǵan. Keńes ókimetinen ál ketken kez. Aýdan ortalyǵyndaǵy mań­daıǵa basqan jalǵyz naýbaıhana jabylyp qalyp, tabaǵa nan jabýdy umytyńqyrap qalǵan jurt shý kóteredi. Ereýilge de ulasyp kete jazdaǵan ba qalaı. Áıteýir, ý-shý. Áńgime partııa bıýrosyna deıin jetip, naýbaıhananyń basshysy sógis alyp tynady. Kóp keshikpeı naryq ta jetip, ár úıdiń esigin qaǵady. Sol kezde eti tiri áıelder tandyrǵa, tabaǵa nan jaýyp, Keles aýdanynyń or­talyǵy Abaıdy qaryq qylyp tas­taıdy. «Sen je, men je» – nannyń túri kóp. Baǵasy da arzan. Sonda Ábil degen tiliniń tikeni bar jigit aǵasy «Oıpyr-aı, baıaǵyda naýbaıhana jabylyp, el ulardaı shýlaǵan nan jetispeýshilik oqıǵasyn bú­ginderi Abaıdyń alty qatyny sheship tastady ǵoı», depti. «Nan bolsa án de bolady». Oblys ákimi Beıbit Atamqulov Túr­kistanǵa barǵan saparynda qa­ladaǵy «Aqjol» seriktestiginiń naý­baıhanasynda bolǵan. Júzde­gen adamǵa turaqty jumys be­rip, jylyna 450 mln. teńgeniń ónimderin shyǵaryp otyrǵan sehtyń ju­mysyna rızashylyq bildirip, basqa aýdan, qalalardan da fılıalyn ashýdy usynǵan. Kásipker degen halyq ýádege berik qoı. «Aqjol» seriktestigi Saryaǵashqa nan zaýytyn salýǵa kirisip ketken edi. Endi mine, táý­ligine on, elý tonnaǵa deıin daıyn ónim bere bastady. Nan zaýytynyń basshysy Ná­sıba Sabyrjanovanyń qazan aýzy joǵary dep otyrǵan jaǵdaıy bar. Elbasymyzdyń ózi shaǵyn jáne orta kásipke qoldaý kórsetip, jeńil nesıemen jumys jasaýǵa jaǵdaı týǵyzyp otyr, deıdi ol. Oblys ákimi Beıbit Atamqulov pen Saryaǵash aýdanynyń ákimi Buharbaı Parmanovqa alǵysymyz sheksiz. Bıznesimizdi órkendetýge kerek jaǵdaıdyń bárin jasap otyr. «Iаssy» degen fırma ashyp, oǵan jergilikti halyqty jumysqa tarttyq. Endi aýdandaǵy jıyrma bes aýyl okrýginen fılıal ashpaq oıdamyz. Tátti toqash, pisirilgen nan ónimderin ystyǵy basylmaı satyp alady. Kondıterlik sehtyń da qurylysy júrýde. Sonda biz táttilerdiń bes júzden eki myń tonnaǵa deıin júzdegen túrin shyǵara alamyz. Baǵasy qoljetimdi ári dámdi nan ónimderine kórshiles Maqtaaral, Shardara aýdandarynan da tapsyrys túsip jatyr eken. Úsh aýdan halqyn qosqanda bir mıllıon adamǵa jýyqtaıdy. Túr­kistandyq kásipker osynyń bárin shotqa salyp, tabysyn eseptep otyr. «Aqjoldyń» osylaısha nany kóterilip tur. Baqtııar TAIJAN, «Egemen Qazaqstan».