KО́KShETAÝ. 25 aqpan. Astana qalasynyń azyq-túlik beldeýin qurý sheńberinde Aqmola oblysy elorda naryǵyna 108 myń tonna et jáne sút ónimderin jetkizgen. Bul týraly oblys ákiminiń baspasóz qyzmetine silteme jasaǵan egemen.kz tilshisi habarlady.
Jalpy, ótken jyly Astana qalasyna 11,3 myń tonna un, 217,5 mıllıon dana jumyrtqa,82,7 myń tonna kartop, 20,9 myń tonna et jáne et ónimderi, 86,8 myń tonna sút ónimderin, 19,1 myń tonna kókónis jáne ózge de ónimderi jetkizilgen.
Azyq-túlik beldeýi sheńberinde 2015 jyly jalpy quny 22,2 mıllıard teńgeni quraıtyn 14 joba júzege asyryldy. Osynyń nátıjesinde 263,1 mıllıard teńgeniń aýyl sharýashylyǵy ónim óndirildi. Oblysta azyq-túlik taýarlarynyń baǵasyn turaqtandyrý úshin 1058 memorandýmǵa qol qoıylǵan.
Oǵan qosa, apta saıyn aqmolalyq taýar óndirýshiler óńirdiń ár aımaqtarynda 543 jármeńke ótkizip, 1,8 mıllıard teńgeniń ónimin saýdaǵa shyǵardy.
Búginde qus eti ónimin óndirý kólemin ulǵaıtý boıynsha naqty qadamdar jasalýda. О́tken jyly Selınograd aýdanyndaǵy broılerlik qus fabrıkasynyń qýattylyǵy 20 myń tonnaǵa artty, Makınsk qus fabrıkasy, Astrahan aýdanyndaǵy «Tehno Qus» jaýapkershiligi shekteýli seriktes broılerlik qus fabrıkasy sııaqty aýqymdy jobalar bolashaqta oblys pen Astana qalasynyń naryǵyn ǵana emes, shet el naryǵyna shyǵýǵa múmkindik beredi.
Baqbergen Amalbek.
Derek, sýret: Aqmola oblysynyń ákiminiń baspasóz qyzmeti.
