Fransııa Google-ǵa 1,6 mlrd. eýro ótemaqy tóleýdi mindettedi

ASTANA. 25 aqpan. Fransııa bıligi belgili Google kompanııasyna tólenbegen salyq úshin 1,6 mıllıard eýro ótemaqy tóleýdi mindettedi. Bul týraly bbc.com saıtyna silteme jasaǵan egemen.kz tilshisi habarlady. Osyǵan deıin kompanııa Ulybrıtanııa bıligine 130 mıllıon fýnt ótemaqy tóleýge kelisken. Al qazirgi kezde Fransııamen bul másele jóninde kelissózder júrip jatyr. Aldaǵy ýaqytta kórsetilgen somanyń bir bóligi ǵana tólenýi múmkin degen boljam bar. Fransııa bıligi men kompanııa bul jóninde resmı aqparat taratpady. О́tken jyly Eýropa odaǵynyń salyq retteýshileri Eýropa aımaǵyndaǵy iri kompanııalardyń salyqtyq kelisimsharttaryna tekserý jumystaryn júrgizgen. Qazan aıynda amerıkalyq Starbucks kofe jelisine jáne Fiat Chrysler avtokonsernine 30 mıllıon eýrodan qosymsha salyq tóleýi mindetteldi. Sondaı-aq, salyq retteýshileriniń nazaryna Apple jáne Amazon kompanııalary da ilikti. Aıan Ábdýálı. Derek: bbc.com. Sýret: kushnerov.com.