Almaty qalasynyń ákimi shahardaǵy birqatar nysandardy aralady

ALMATY. 17 naýryz. Qala ákimi Baýyrjan Baıbek aýmaqtaǵy jol-kólik qatynastaryna qatysty ınfraqurylymdardy aralady. Munyń aldaǵy jylda bolatyn Qysqy Ýnıversıada qarsańynda qala «qaqpalarynyń» daıyndyǵyn tekserý dep málimdedi. Bul týraly qala ákimdiginiń baspasóz qyzmetine silteme jasaǵan egemen.kz tilshisi habarlady. «Prezıdenttiń aıtqan tapsyrmasyna sáıkes álemdik mańyzdy sporttyq shara kezinde, qalanyń negizi «qaqpalarynda» – áýejaı, avto jáne temirjol beketterinde qaýipsizdik pen yńǵaılylyq ári halyqaralyq talaptarǵa saı servıstik qyzmet bolýy tıis» – dedi qala basshysy. Aldymen qalaaralyq «Saıran» avto beketine barǵan ákim odan soń Almaty halyqaralyq áýejaıy men Túrksib aýdanyndaǵy №1 temirjol beketinde boldy. Qala basshysy Túrksib aýdanyndaǵy jurtshylyq ókilderimen kezdesýi barysynda Almatyda azamattardyń laıyqty ómir súrý úshin barynsha jaǵdaı jasalyp jatqanyn, «Eski baspana» baǵdarlamasyna sáıkes eski úıler súrilip, jańa ǵımarattar – mektep, sport saraılary ashylǵanyn atap ótti. Talǵat Súıinbaı. Derek, sýret: Almaty qalasy ákimdiginiń baspasóz qyzmeti.