Mektep bitirýshiler UBT-ny ekinshi márte tapsyra alady

ASTANA. 17 naýryz. Bilim jáne ǵylym mınıstrligi mektep túlekterine ekinshi ret Ulttyq biryńǵaı testileýdi tapsyrýǵa múmkindik beredi. Bul týraly bnews.kz-ke silteme jasaǵan egemen.kz tilshisi habarlady. Elimizde Ulttyq biryńǵaı testileýdi tapsyrmaıtyndardyń qatary jyldan jylǵa kóbeıip keledi. Máselen, bıyl test tapsyrmaıtyn 46 myńǵa jýyq túlektiń bar ekendigi belgili boldy. Mektep bitirýshilerdiń kóbisi kórshiles elderdiń oqý oryndaryna túsýdi jón kóredi. «Osy máselege baılanysty aldymyzda Elbasymyz qoıǵan tikeleı tapsyrma tur. Bıyl jastarymyzǵa óz elimizdegi oqý oryndaryna túsý úshin múmkindik bergimiz keledi. Bul rette kolledj túlekteri eskeriledi. Árıne, joǵary oqý oryndaryn bitirgenderdiń barlyǵy birden jumysqa ornalasa almaıtyndyǵy belgili. Alaıda, ózge elder sııaqty biz de joǵary bilimdi qoǵamǵa umtylýymyz qajet. Sońǵy 40 jyl ishinde álemdegi stýdentter sany 6 esege ósti. Jyl saıyn dúnıe júzinde joǵary oqý oryndaryna 150 mıllıon adam túsedi. Al 10 jyl ishinde bul kórsetkish 50 paıyzǵa artty», – dedi Bilim jáne ǵylym mınıstri Erlan Saǵadıev. Aıan Ábdýálı. Derek: bnews.kz. Sýret: z-taraz.kz.