«Jansaıa Ábdimálik Shahmat akademııasynyń» fılıaly ashyldy

ASTANA. 17 naýryz. Búgin Almatyda grossmeıster, áıelder arasyndaǵy álemniń tórt dúrkin chempıony shahmatshy, halyqaralyq sheber Jansaıa Ábdimáliktiń Shahmat akademııasynyń fılıaly ashyldy. Bul týraly egemen.kz tilshisi habarlady. Buǵan deıin Almatyda álemniń eń jas grossmeısteri atanǵan otandasymyzdyń jeke akademııasy ashylǵan bolatyn.  Sol kezde onyń ákesi Danııar Áshirov: «Biz akademııada úsh topta, úsh aýysymmen qyzmet atqaratyn bolamyz. Alǵashqy topty tegin jattyǵady. Kóp balaly otbasy men jetim balalardan aqsha almaımyz. Ekinshi toptaǵy otbasy jaǵdaıy ortasha balalardy aıyna 3 000 teńgege jattyqtyramyz. Al úshinshi topta shahmatqa qyzyǵyp júrgen balalar jattyǵa alady. Olar aıyna 15 000-20 000 teńgeden astam aqsha tóleıdi», degen edi. Endi mine, sol akademııa qanatyn keń jaıyp, qalanyń bir buryshynda taǵy bir oryn ashyp otyr. Fılıal Rozybakıev kóshesindegi №289 úıde ornalasqan. Bul úı Ál Farabı dańǵylynyń qıylysynda tur. Ol «Áıgerim» turǵyn úı kesheni dep atalady. Dastan Kenjalın. Derek, sýret: egemen.kz