Polıgraf

áskerı qyzmetshilerdiń zańǵa qaıshy is-áreketterin anyqtaýǵa kómektesedi Qazaqstan Respýblıkasynyń Qarýly Kúshterinde áskerı qyzmetshilerdiń zańǵa qaıshy áreketteriniń aldyn alý úshin arnaıy tehnıkalyq quraldar qoldanylýy múmkin. Tekserý polıgraf apparatynyń kómegi arqyly júzege asyrylýy yq­tımal. Bıylǵy jyly Qazaqstan Respýblıkasynyń Qarýly Kúsh­terinde birinshi jartyjyldyqta shaqyrylymǵa jaýapty qorǵanys isteri jónindegi aýmaqtyq organdardyń áskerı qyzmetshileri polıgraf apparatynda tekserýden ótedi dep josparlanýda. Polıgraf – bul talap etiletin stımýldarǵa jaýap retinde adamnyń reaksııasyn qadaǵalap otyrýǵa múmkindik beretin teh­nıkalyq qural. Grafıka túrinde beınelenip kórsetiletin tynys alý, júrek-qan tamyrla­ry júıeleriniń, teriniń elek­trli belsendiligi sekildi fızıo­logııalyq kórsetkishter elektr dabyldaryna aýysady. Polıgraf arqyly tekserý adamnyń ómiri men densaýlyǵyna áser etpeıtin múldem qaýipsiz prosedýra jáne adamnyń erkin túrdegi jazbasha kelisimimen ǵana júzege asyrylady. Polıgraftyń kómegimen al­kogoldi, esirtki zattaryn mól­sherden kóp paıdalaný, qumar oıyndarǵa áýes bolý, ózin ózi óltirýge árekettený, dinı eks­tremıstik uıymdardyń ókil­derimen jeke baılanys ornatý, qylmystyq elementter nemese sheteldik arnaıy qyzmetterge járdemdesý, ruqsat etilmegen qyzmettik (qupııa) aqparatty taratý, qandaı da bir jemqorlyq áreketterge barý sekildi derek­terdi anyqtaýǵa bolady. «Egemen-aqparat».