Tóraǵa orynbasarymen ornyqty áńgime

Keshe, sondaı-aq, Qazaqstan Respýblıkasy Ortalyq saılaý komıssııasy tóraǵasynyń orynbasary Vladımır Foos Armenııa Respýblıkasy Ortalyq saılaý komıssııasy tóraǵasynyń orynbasary Laýra Galstıanmen kezdesti. V.Foos kezdesýge qaty­sý­­shy­lardy Ortalyq saılaý ko­mıs­sııasynyń Qazaqstan Res­pýblıkasy Parlamenti Máji­lisiniń depýtattaryn jáne máslıhattarynyń depýtattaryn saılaýdy ázirleý men ótkizý jónindegi jumysymen, saılaý naýqanynyń negizgi kezeń­derimen tanystyrdy, sondaı-aq, birqatar suraqtarǵa jaýap qaıtardy. Al L.Galstıan saılaý zańnamasynyń partııalyq tizimderdi usyný jáne tirkeý tártibin, saıası par­tııalardyń saılaýaldy úgitin qarjylandyrýdy retteıtin jekelegen erejelerimen egjeı-teg­jeıli tanysýǵa qy­zyǵý­shylyq tanytty. Kezdesý sońynda L.Gal­stıan shaqyrý úshin rı­za­shylyǵyn bildirip, saı­laýdyń oıdaǵydaı ótýine ti­lektestik bildirdi. «Biz As­tana qalasynyń birqatar saı­laý ýchaskelerine barýdy, osyndaı mańyzdy saılaýdy ótkizý úshin Konstıtýsııaǵa já­ne respýblıkanyń saılaý zań­namasyna sáıkes jasalǵan jaǵdaılarmen tanysýdy jos­parlap otyrmyz», – dep atap ótti Armenııa Respýblıkasy Ortalyq saılaý komıssııasy tór­aǵasynyń orynbasary. Sýretterdi túsirgen Erlan OMAROV.