Qostanaı oblysynda adam saýdasy men jeńgetaılyq áshkerelendi

QOSTANAI. 17 naýryz. Qostanaı oblysynda júrgizilgen «STOP trafık» operasııasy barysynda 5 adam saýdasy oqıǵasy jáne bir jeńgetaılyqtyń beti ashyldy. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady. Operatıvtik qyzmetker Jasulan Shúkirovtyń aıtýynsha, beti ashylǵan 5 oqıǵanyń barlyǵy biri birine uqsas, Qylmystyq kodekstiń «adam saýdasyn» qarastyratyn 128-babyna jatady. Adamdardyń barlyǵyn aýyldyq jerlerge aldap shaqyryp alǵan, ýaqytyly tamaǵy men aqysyn tóleýge ýáde bergen. Denısov aýdanyndaǵy iri sharýashylyqtyń ıesi 57, 49, jáne 37 jastaǵy úsh adamnyń eńbegin qanaǵan. Aldanyp zardap shekkender úsh aı boıy tegin jumys istegen, olar bir tıyn da eńbekaqy almaǵan. Kúdikti olardy qarapaıym, ashqursaq ǵana tamaqtandyryp otyrǵan. Bul qylmysy úshin kúdiktini 3 jyldan 5 jylǵa deıin bas bostandyǵyn aıyrý jazasy kútip tur. Mundaı qylmystyń túri Taran aýdanynda da oryn alǵan. Maıskoe selosynyń turǵyny 23 jastaǵy jigitti mal baqtyrýǵa kúshtep salǵan. Buǵan da «adam saýdasy» baby boıynsha qylmystyq is qozǵaldy. Arqalyq qalasynyń ishki ister basqarmasy qyzmetkerleri Mırnoe selosy turǵynynyń ústinen qylmystyq is qozǵady. Ol kórshi selonyń 52 jastaǵy turǵynyn eńbekaqy tóleýge ýáde berip, óziniń úıindegi malyna salǵan. Biraq ótken jyldyń jeltoqsan aıynan beri oǵan aqysyn bermeı, eńbegin tegin paıdalanǵan. Qostanaı qalasyndaǵy bir monshanyń 53 jastaǵy ákimshilik qyzmetkeri 14 myń teńge aqsha úshin 21 jastaǵy jigitke 20 jáne 27 jastaǵy eki qyzdy tósek qyzmetin kórsetýge usynǵan. Qazir ákimshilik qyzmetkerdiń ústinen Qylmystyq kodekstiń 309-babynyń 1 bólimi boıynsha «jeńgetaılyq» úshin qylmystyq is qozǵaldy. Názıra Járimbetova. Derek: egemen.kz. Sýret: azattyq.org.