Qostanaıda «Azamattarǵa kómek» aksııasy ótti

QOSTANAI. 18 naýryz. Qostanaı qalasynda Memlekettik qyzmet isteri mınıstrliginiń Qostanaı oblysy boıynsha departamenti men «Kazposhta» aksıonerlik qoǵamy Qostanaı oblystyq fılıaly birlesken «Azamattarǵa kómek» sharasyn ótkizdi. Bul týraly Qostanaı oblystyq memlekettik qyzmet departamenti sybaılas jemqorlyqtyń aldyn alý basqarmasy baspasóz qyzmetine silteme jasaǵan egemen.kz tilshisi habarlady. Memlekettik qyzmet kórsetý sapasy jóninde jáne jemqorlyqtyń aldyn alýǵa baǵyttalǵan qoǵamdyq qabyldaý aıasynda Memelekettik qyzmet isteri mınıstrliginiń Qostanaı oblysy boıynsha departament basshysynyń orynbasary Áset Dosekenov jáne atalǵan departament basshysynyń orynbasary, tártiptik keńes hatshylyǵynyń meńgerýshisi Ashat Eskendirov azamattardyń saýalyna jaýap berip, biliktilik járdemin kórsetti. Qostanaılyqtar mundaı sharalardy jıi ótkizý kerektigin atap ótse, sharany uıymdastyrýshy memlekettik qyzmetkerler ár kelip túsken suraq-saýaldar boıynsha tolyqtaı jaýap berip jáne azamattardyń suraqtarynda aıtylǵan máseleler memlekettik qyzmet kórsetý sapasyn arttyrý maqsatynda memlekettik organdarǵa usynys retinde jiberiletini jóninde aıtyp ketti. Qostanaı oblystyq memlekettik qyzmet departamenti basshysynyń orynbasary Áset Dosekenov: «Qoǵamdyq qabyldaýlar, semınar-otyrys jáne taǵy basqa sharalar azamattarǵa tolyqtaı aqparat jetkizip, azamattyq qoǵam men memleket arasyn barynsha jaqyndastyra túsýge yqpal etedi», – dedi. Názıra Járimbetova. Derek, sýret: egemen.kz.