«Altyn saqa»

Almatyda balalar spektaklderiniń alǵashqy festıvali ótedi Ulystyń uly kúni men Ha­lyq­aralyq teatr kúnine oraı, Alma­tydaǵy Ǵ.Músirepov atyn­daǵy Qazaq memlekettik akademııalyq balalar men jasóspirimder teatry tuńǵysh ret «Altyn saqa» atty balalar spektaklderi festıvalin ótkizýge qam-qareket jasaýda. Osylaısha atalmysh teatr­dyń 70 jyldyq mereıtoıy qarsa­ńynda, bıyl birinshi ret balalar spektaklderiniń festıvali uıymdastyrylǵaly otyr. Teatr salasyndaǵy sony bastamada «Naýryz dýman», «Er kójek», «Altyn múıizdi kıik», «Tompaqpen kelgen Jańa jyl», «Maýglı», «Batyl kójekter», «Aldar kóse» sııaqty kishkentaı kórermenderdiń spektaklderi saltanat qurady. Festıvalde Baıdildá Qaltaev atyn­daǵy «Eń úzdik er adam beı­nesi úshin», Aqqaǵaz Mámbetova atyndaǵy «Eń úzdik áıel beınesi úshin», Qasym Jákibaev atyndaǵy «Eń úzdik qosalqy róldegi er adam beınesi úshin», Ámına О́mirzaqova atyndaǵy «Eń úzdik qosalqy róldegi áıel beınesi úshin», «Eń úzdik epızodtyq ról», «Epızodtyq róldegi akterlyq sheberligi úshin», «Kórermender kózaıymy», «Eń úzdik debıýt» nomınasııalary boıynsha marapattaý rásimi ótkiziledi. Aınash ESALI, «Egemen Qazaqstan». ALMATY.