Exit-poll qorytyndysy boıynsha «Nur Otan» 82 paıyz daýys jınady

ASTANA. 21 naýryz. Exit-poll qorytyndysy boıynsha úsh partııa Parlamentke ótti. «Demokratııa ınstıtýty» júrgizgen jalpyhalyqtyq saýaldamada nátıjesinde «Nur Otan» partııasynyń 82 paıyz daýys jınaǵany belgili boldy. Bul týraly inform.kz-ke silteme jasaǵan egemen.kz tilshisi habarlady. Atalǵan ınstıtýttyń dırektory Iýlııa Kýchınskaıanyń málimdeýinshe elimizdiń 14 oblysy men Astana, Almaty qalalaryndaǵy 750 saılaý ýchaskesinde tańǵy 07:00-den keshki 20:00-ge deıin Exit-poll júrgizilgen. «Saýaldamaǵa 75 myń adam qatysty. Exit-poll-dyń qorytyndysy boıynsha saılaýǵa túsken partııalar mynandaı nətıje kórsetti: «Nur Otan» partııasy – 82 paıyz daýys, «Qazaqstannyń kommýnıstik halyq partııasy» – 7,17 paıyz, «Aq jol» partııasy – 7,22 paıyz, «Birlik» partııasy – 0,35 paıyz daýys, Jalpyulttyq əleýmettik-demokratııalyq partııa – 1,21 paıyz daýys, «Aýyl» partııasy – 2,05 paıyz daýys», – dedi Iýlııa Kýchınskaıa. Elaman Qońyr. Derek: inform.kz. Sýret: shalkarfm.kz.