Belsendiliktiń bıik belesi

2016. 20 NAÝRYZ. ORTALYQ SAILAÝ KOMISSIIаSY

Ortalyq saılaý komıssııasynyń baspasóz ortalyǵy qyzǵan jumys ústinde. Jýrnalısterge qajetti barlyq múmkindik jasalǵan arnaıy bóliktiń alǵashqy bólmesine kompıýterler qoıylyp, elektrondy aqparat quraldarynyń tikeleı efırge shyǵýyna qajetti jabdyqtar da ornalasqan. Al kelesi úlken zal baspasóz máslıhattaryna arnalypty. Osy arada erekshe atap kórsetetin taǵy bir jaıt – bıyl elimizdegi barlyq parlamenttik saılaýlar tarıhynda daýys berýge kelgender sany tuńǵysh ret rekordtyq kórsetkishke jetti. Bul saılaýshylardyń joǵary uıymdasqandyǵynyń nátıjesi bolyp tabylady. Muny halyqaralyq baıqaýshylar da atap kórsetip jatty. Saǵat 09.00 OSK hatshysy Baqyt Meldeshov ótkizgen alǵashqy brıfıng qysqa da nusqa boldy. Onda ol: «Qazirgi ýaqytta Qazaqstan Respýblıkasy aýmaǵynda ornalasqan barlyq saılaý ýchaskeleri daýys berýge kiristi. Daýys berý transparentti, ádil, ashyq, zań buzýshylyqsyz, qalypty, isker jaǵdaıda jáne Saılaý zańnamasynyń nor­malaryna sáıkes ótip jatyr. Baıqaýshylarǵa saılaý úderisiniń barlyq kezeń­derinde kedergisiz monıtorıng júrgizý úshin tolyqtaı jaǵdaı jasalǵan», dep saılaý barysyna baıqaýshylyq jasap jatqan shet memleketter men halyqaralyq uıymdardyń sanyn da jarııa etti. Saıası mańyzy bar osy jumysqa 817 baıqaýshy aralasyp jatqanyn eske sa­lyp: «Onyń ishinde EQYU/DIAQB-nyń – 286, TMD mıssııasynyń – 301, Shan­haı yntymaqtastyq uıymynyń – 9, EQYU Parlamenttik Assambleıasynyń – 76, Eýropa Keńesiniń Parlamenttik Assam­bleıa­synyń – 14, Túrkitildes elder ynty­maq­tastyǵy keńesiniń – 17, Islam Ynty­maqtastyǵy Uıymynyń – 3, Túrkitildes elderdiń Parlamenttik Assambleıasynyń – 8 jáne 32 shet memleketten 103 baıqaýshy bar. Sondaı-aq, Qazaqstan Respýblıkasy Syrtqy ister mınıstrligi sheteldik BAQ-tyń 147 ókilin akkredıttedi. Jalpy, 964 halyqaralyq baıqaýshy men sheteldik BAQ ókilderi bar», dedi B.Meldeshov. Sonymen qatar, ol saılaý ýchas­ke­lerindegi daýys berý barysyn kandıdattar men saıası partııalardyń senim bildirilgen adamdary, qoǵamdyq birlestikter men úkimettik emes uıymdardyń ókilderi qadaǵalaıtyndyǵyn aıtyp, keshki saǵat 22.30-da Ortalyq saılaý komıssııasynyń tóraǵasy Qýandyq Turǵanqulov saılaý­shylardyń daýys berýge kelýi jónindegi aldyn ala derekterdi jarııa etetininen habardar etip: «Kúni boıy sizderdiń nazarlaryńyzǵa jalpy respýblıka men óńirler boıynsha saılaýshylardyń belsendiligi men kelýi týraly jedel derekterdi usynyp otyratyn bolamyz. Sondaı-aq, bizdiń baspasóz ortalyǵymyzda Syrtqy ister mınıstrliginiń ókili men halyqaralyq baıqaýshylardyń brıfıngi ótedi», dedi B.Meldeshov. Aıta keteıik, saıası dodaǵa barlyǵy alty partııa – «Nur Otan» partııasy, Qazaqstannyń «Aq jol» demokratııalyq par­tııasy, «Aýyl» halyqtyq-demo­kra­tııalyq patrıottyq partııasy, Qazaq­stan Kommýnıstik halyq partııasy, Jalpy­ulttyq sosıal-demokratııalyq partııasy jáne «Birlik» saıası partııasy qatysyp jatyr. Partııalyq tizimder boıynsha saılanatyn Parlament Májilisiniń 98 depýtaty, sondaı-aq, oblystyq, Astana, Almaty qalalyq máslıhattarynyń 550 depýtaty, qalalyq máslıhattardyń 625 depýtaty jáne aýdandyq máslıhattardyń 2160 depýtaty saılanady. Saǵat 09.30 Qazaqstan azamattarynyń ózderiniń saıa­sı kózqarastaryna tolyq jaýap beretin partııaǵa daýys berip jatqanyn RF Federaldy jınalysy Federasııa keńesi komıtetiniń múshesi Igor Morozov OSK tóraǵasy Q.Turǵanqulovpen kezdesýden soń ótkizgen brıfıngte jýrnalıster­ge málim etti. «Biz búgin Qazaqstan azamat­tary­nyń saılaý ýchaskelerine kelip, óz­deri­niń azamattyq paryzdaryn qalaı júze­ge asyryp, saılaýǵa belsendi qatysyp jatqa­nyn baıqaýdamyz. Aqparattyq ortanyń qanshalyqty daıyndalǵany da bizder úshin óte mańyzdy, QR Parlamentiniń ashyq ári ádil saılaýyn ótkizý úshin qajetti sharalardyń barlyǵy da halyqaralyq standarttarǵa saı uıym­das­tyrylǵan jáne ony tolyqqandy oryn­dalyp jatyr dep senimdi túrde aıta alamyz. Osy jaıttarǵa kóz jetkizgennen keıin QR OSK tóraǵasymen kezdeseıik dep sheshtik jáne saılaý úderisin talqyladyq. Bizdiń aramyzda ortaq túsinistik boldy jáne daýys berýshilerdiń belsendiligin atap óttik», dedi sheteldik baıqaýshy. Saǵat 10.00 Osy ýaqytta Qazaqstan azamattarynyń qansha paıyzynyń óz júrek qalaýlaryn bildirgeni málim boldy. Ortalyq saılaý komıssııasynyń múshesi Lázzat Súleımen brıfıngte: «Ortalyq saılaý komıssııasy búgin ótip jatqan Parlament Májilisi men barlyq deńgeıdegi máslıhattar depý­tat­taryn saılaýda saǵat 10-daǵy saılaý­shylardyń saılaý ýchaskelerine kelýi týraly málimetterdi jarııa etýge daıyn. Oblystardyń, Astana jáne Almaty qalalarynyń saılaý ýchaskeleri usynǵan málimetterge sáıkes, 2016 jylǵy 20 naýryz kúngi saǵat 10-daǵy jaǵdaı boıynsha tizimge engizilgen saılaýshylardyń 17,57 paıyzy bıýlletenderin aldy», dedi. OSK múshesiniń derekterine sáıkes, elimizdegi oblystar boıynsha Almaty ob­lysy – 23,22, Aqmola oblysy – 20,89, Aq­­tóbe oblysy – 14,31, Atyraý oblysy – 11,88, Batys Qazaqstan oblysy – 10,75, Jam­­byl oblysy – 9,3, Qaraǵandy oblysy – 18,78, Qostanaı oblysy – 24,85, Qy­zyl­­orda oblysy – 19,83, Mańǵystaý obly­­sy – 15,23, Ońtústik Qazaqstan obly­sy – 12,86, Pavlodar oblysy – 18,97, Sol­tústik Qazaqstan oblysy – 23,85, Shyǵys Qazaq­stan oblysy – 24,31, Astana qalasy – 20,65, al Almaty qalasy – 6,94 paıyzy daýys bergen. «Daýys berý barlyǵy 9840 saı­laý ýchaskesinde júrgizilýde», dedi Láz­zat Súleımen. Saǵat 12.00 Ortalyq saılaý komıssııasyndaǵy brı­fıngke bul joly Syrtqy ister mınıstriniń orynbasary Roman Vasılenko keldi. Jınalǵandardyń barlyǵyn Naýryz merekesimen quttyqtap ótken syrtqy saıa­sat vedomstvosynyń ókili shetelderdegi Qazaqstan azamattarynyń saılaýǵa qa­tysýy jóninen aqparat berdi. Onyń aıtýynsha, qazirgi ýaqytta elimizden syrt memleketterdegi sheteldik mekemeler janynan 65 saılaý ýchaskesi ashy­lyp, Qazaqstannyń sheteldik meke­meleri janynda qurylǵan saılaý ýchas­keleri týraly aqparattar men baılanys málimetteri kórsetilgen aqparat mınıstr­liktiń saıtynda jáne basqa da derek kóz­derinde aldyn ala ornalastyrǵan. Osylaı degen R.Vasılenko ári qaraı: «She­tel memleketterine qyzmettik, isker­lik nemese týrıstik saparmen barǵan Qazaq­stan azamattary saılaý kezinde saı­laý ýchaskelerine kelip, azamattyǵyn dá­leldeıtin tólqujattaryn kórsetkende saılaýshylar tizimine engiziledi. Saılaý aldyndaǵy kúngi málimetke sáıkes, shetel­derdegi saılaýshylardyń tizimine shamamen 14 myń azamatymyz tirkelgen. О́t­ken jylǵy prezıdenttik saılaýmen salys­tyrǵanda saılaýshylardyń sany 6 myń adamǵa kemip otyr. Bulaı bolýyna, birinshiden, aldaǵy merekeniń uzaqty­ǵyna baılanysty, ekinshiden, bizdiń otan­das­tarymyzdyń osy múmkinshilikti paıda­lanyp Naýryz meıramyn týǵan-týys­tarynyń ortasynda ótkizýleri úshin Qazaq­stanǵa kelýi sebep. Sheteldegi saılaý ýchaske­leri de jergilikti ýaqyt boıynsha tańerteńgi 7.00-den keshki 20.00-ge deıin jumys isteıdi. Ýaqyt aıyrmashylyǵyna baılanysty bizdiń azamattarymyz eń birinshi Tokıo men Seýlde ashylǵan saılaý ýchaskelerinde Astana ýaqyty boıynsha tańǵy saǵat 4-te daýys bere bastady. Shetelderde júrgen azamattarymyz saılaýda belsendilik tanytýda. Astana ýaqyty boıynsha saǵat 12.00-degi jaǵdaıǵa sáıkes, shetelderdegi 61 saılaý ýchaskesinde osy kezeńge deıin 2 myńnan astam otandasymyz daýys berdi. Al planetanyń Batys jarty sharynda Astana ýaqyty boıynsha saǵat 16.00-de Brazılııada, al odan keıin saǵat 17.00-de Vashıngtonda, Nıý-Iorkte jáne Ottavada daýys berý bastalady, degen R.Vasılenko shetelderdegi saılaý ýchaskelerindegi daýys berý qujattary 48 saǵatta elordaǵa jetkiziletininen habardar etti. «Shetelderde saılaýdy uıymdastyrý maqsatynda elimiz Syrtqy ister mınıstr­ligi tarapynan sáıkesinshe shtab qurylǵan. Bul kúnderi ol kúndiz-túni jumys isteýde. Shtab pen Syrtqy ister mınıstrligi qaraıtyn Esil aýdandyq saılaý komıssııasy arasynda jumys babyndaǵy baılanys ornatylǵan jáne sheteldegi saılaý ýchaskeleriniń daýys berý qujattary sol ýchaskege jetkiziledi. Al saılaý ýchaskesi ashylmaǵan elderde júrgen Qazaqstan azamattary kórshi memleketterdegi saılaý ýchaskelerine kelip daýys bere alady. Saılaý ýchaskelerinde qorytyndy shyǵarylǵannan keıin SIM qyzmetkerleri bıýlletenderdi jáshigimen jáne basqa da saılaýǵa qatysty ónimderdi alyp, 48 saǵattyń ishinde ony Esil aýdandyq saılaý komıssııasyna tabystaý úshin QR Syrtqy ister mınıstrligine jetkizýi tıis», dedi R.Vasılenko. Saǵat 13.00 Ortalyq saılaý komıssııasynyń múshesi Marat Sársembaevtyń málim etýin­she oblystardyń, Astana jáne Alma­ty qalalarynyń saılaý komıssııala­ry usynǵan málimetterge sáıkes, 2016 jylǵy 20 naýryz kúngi saǵat 12.00-degi jaǵdaı boıynsha tizimge engizilgen saılaý­shylardyń 40,21 paıyzy saılaý bıýlle­tenderin alyp, óz daýystaryn bergen. M.Sársembaevtyń derekterine sáıkes, Almaty oblysynda – 57,67, Aqmola obly­synda – 48,45, Aqtóbe oblysynda – 34,3, Atyraý oblysynda – 45,2, Batys Qazaq­stan oblysynda – 38,67, Jambyl obly­synda – 47,41, Qaraǵandy oblysynda – 41,57, Qostanaı oblysynda – 54,31, Qyzyl­orda oblysynda – 43,28, Mańǵystaý obly­synda – 31,41, Ońtústik Qazaqstan obly­synda – 33,02, Pavlodar oblysynda – 40,47, Sol­tústik Qazaqstan oblysynda – 48,1, Shy­ǵys Qazaqstan oblysynda – 45,83, As­tana qalasynda – 32,33, al Alma­ty qa­lasy boıynsha 15,45 paıyzy daýys bergen. Daýys berýdegi belsendiliktiń basynda, OSK múshesi aıtqandaı, Almaty oblysy, Qostanaı oblystary turdy. Saǵat 14.00 Osy saǵatta TMD elderi baıqaýshylary atynan Qyrǵyz Respýblıkasy Ortalyq saılaý jáne referendýmdar ótkizý komıs­sııasynyń múshesi Rashıd Bekbasarov brıfıng ótkizdi. О́z baıqaýlarymen bóli­sip, oı tolǵaǵan ol bylaı dedi: «Búgin biz bir­neshe saılaý ýchaskesinde bolyp, óte jaqsy áserde qaldyq. Meni tańǵy saǵat 7-de saılaý ýchaskeleri ashylǵan sátten bas­tap daýys berýshilerdiń legi kóp bol­ǵandyǵy tańdandyrdy. Máselen, «Nazar­baev Ýnıversıtettegi» saılaý ýchaskesinde nebári 50 mınýttyń ishinde 400 adam kelip óz daýysyn berdi. Saılaýshylar óte belsendi, saılaý shtattyq rejimde ótip jatyr. Barlyq ýchaskeler jaqsy daıyn­dalǵan, aqparattyq qoldaý da sáıkesinshe ornalastyrylǵan. Saılaý úderisine qatysýshylarǵa arnalǵan ádistemeler men jadynamalar da óte joǵary sapada daıyndalǵan. Saılaýǵa daıyndyq sharalarynyń óte baıypty júrgizilgendigi kórinip tur. Bizdiń tarapymyzdan daýys berý barysyna esh syn-eskertpe joq. TMD baıqaýshylarynyń Qazaq­standaǵy saılaýǵa baıqaýshylyq qyzmetin atqarýy birinshi ret emes, sondyqtan qazaqstandyqtar úshin búgingi merekelik kóńil-kúıdiń bolýyn zańdy dep esepteımiz. Daýys berý úderisi kináratsyz ótýde, partııalar básekelestikpen saılaýǵa keldi», dedi TMD-lyq baıqaýshy. Saǵat 15.05 Saǵat tili dál osy ýaqytty kórsetkende, Ortalyq saılaý komıssııasynyń hatshysy Baqyt Meldeshov minberge kóterilip, saǵat 14.00-ge deıin saılaýshylardyń kelýi týraly málimetpen tanystyrdy. OSK hatshysynyń habardar etýinshe, oblystardyń, Astana jáne Almaty qalalarynyń saılaý komıssııalarynyń usynǵan málimetterine sáıkes, 2016 jylǵy 20 naýryz kúngi saǵat 14.00-degi jaǵdaı boıynsha tizimge engizilgen saılaýshylardyń 60,22 paıyzy saılaý bıýlletenderin alǵan. Mysaly, Almaty oblysynda saı­laý­shylardyń – 77,16%, Aqmola oblysy – 69,97%, Aqtóbe oblysy – 57,01%, Atyraý ob­lysy – 65,87%, Batys Qazaqstan obly­sy – 56,37%, Jambyl oblysy – 63,06%, Qaraǵandy oblysy – 59,2%, Qostanaı oblysy – 68,17%, Qyzylorda oblysy – 65,69%, Mańǵystaý oblysy – 51,76%, Oń­tústik Qazaqstan oblysy – 68,86%, Pav­lodar oblysy – 61,77%, Soltústik Qazaq­stan oblysy – 61,2%, Shyǵys Qazaq­stan oblysy – 66,7%, Astana qalasy – 54,71% jáne Almaty qalasy boıynsha saı­laýshylardyń 21,45%-y daýys bergen. Bul málimetterden Almaty, Aqmo­la, Qostanaı, Shyǵys Qazaqstan oblys­tarynyń saılaýshylary belsendilik ta­nytyp otyrǵanyn baıqaýǵa bolady, al Almaty qalasynyń saılaýshylaryna belsendilik jetispeı turǵan sııaqty. Saǵat 15.30 Ortalyq saılaý komıssııasynyń múshe­leri brıfıngte ár eki saǵat saıyn saı­laý­shylardyń kelýi týraly málimet­terden habardar etip otyrdy. Eki aralyqta Ortalyq saılaý komıssııasynyń baspasóz ortalyǵynda sheteldik baıqaýshylar da brıfıngter ótkizip, saılaýshylardyń daýys berý úderisterinen alǵan áserleri­men bólisti. Solardyń biri – Úndistannan kelgen Salına Sıngh. «Qazaqstandaǵy saılaý óte jaqsy ótip jatyr. Ásirese, saı­laý­shylardyń daýys berýge kóptep kelýi qýantady. Barlyǵy da óte joǵary deńgeı­de ótýde. Bizdiń kóńilimizden shyqty jáne ázirshe bizdiń taraptan eshqandaı eskertý joq», – dedi ol, Sondaı-aq, S.Sıngh Qazaqstan men Úndistannyń saılaý úderisinde aıtar­lyqtaı aıyrmashylyq bar ekendigin de atap ótti. «Bizde arnaıy tehnologııa qoldanylady ári barlyǵy da elektrondy túrde júrgiziledi. Árbir daýys berýshiniń óziniń belgili bir nómiri bar, ıaǵnı, barlyǵy avtomattandyrylǵan. Daýys ta elektrondy málimetter bazasynyń kómegimen sanalady. О́ıtkeni, bizdiń hal­qymyzdyń sany óte kóp. Al Qazaqstanda halyq sanynyń azdaý bolýyna baıla­nysty bıýlletenmen daýys berý baryn­sha yńǵaıly dep sanaımyn», – dedi úndistandyq baıqaýshy. Al estonııalyq baıqaýshylar Qazaq­stannyń saılaý komıssııasy músheleriniń kásibıligine rızashylyq bildirdi. Estonııa Respýblıkasy Ulttyq saılaý komıtetiniń múshesi Aıvar Rahno: «Búgin tańerteń biz Aqmola oblysyna qarasty birqatar saılaý ýchaskesine bardyq. Tańerteńnen saılaýshylardyń daýys berýge kelýi óte joǵary boldy. Saılaýshylardyń kóńili kóterińki ekenin baıqadyq. Ýchaskelik saılaý komıssııasy músheleriniń dostyq peıiline tánti boldyq jáne olar kásibı turǵyda jumys isteýde», – dedi ol. Sonymen birge, baıqaýshy daýys berý úderisi uıymshyldyqpen júrgizilip jatqandyǵyna toqtaldy. «Tústen keıin biz elordanyń birqatar ýchaskesinde de boldyq. Bul ýaqytta daýys berýge kelýshiler leginiń birshama báseńdegeni baıqaldy. Degenmen, áli de adamdar saılaý ýchaskesine kelý ústinde. Men saılaý komıssııasy músheleriniń kásibıligin aıryqsha atap ótkim keledi. Jalpy, Qazaqstandaǵy saılaý barynsha belsendi jáne tabysty ótetindigine senimdimin», – dedi A.Rahno. Tatarstan Ortalyq saılaý komıs­sııa­synyń tóraǵasy Ekzam Gýbaıdýllın de saılaý úderisinen alǵan áserin, saılaý­dyń zańnama talaptaryna saı ótip jat­qanyn atady. «Tańerteńnen beri biz 10-nan astam saılaý ýchaskesinde boldyq. Astana qalasynda saılaý uıymshyl­dyqpen ótip jatyr. Biz bolǵan ýchaske­lerdiń barlyǵynda da saılaý úderisi Qazaq­stannyń saılaý zańnamasyna saı ótýde, – dedi E.Gýbaıdýllın. – Bizderge Astana qalasy qatty unady. Men bul qa­laǵa alǵash ret kelip otyrmyn. Menińshe, Astana álemdegi eń ádemi qalalar­dyń biri. Biz óz baıqaýymyzdy odan ary jal­ǵas­tyramyz. Ázirshe jalpy saılaý úderisin uıymdastyrýǵa qatysty eshqandaı esker­týimiz joq. Qazaqstan halqyna saılaýdy uıymshyldyqpen ótkizýge tilektespin». Saǵat 17.05 Saǵat 16.00-ge deıingi saılaýshylardyń kelý kórsetkishterimen Ortalyq saı­laý komıssııasynyń múshesi Marat Sársem­baev tanystyrdy. «Oblystardyń, Astana jáne Almaty qalalarynyń saılaý komıs­sııalary usynǵan málimetterge sáıkes 2016 jylǵy 20 naýryz kúngi saǵat 16-00-degi jaǵdaı boıynsha tizimge engizilgen saı­­laýshylardyń 71,78 paıyzy saılaý bıýl­letenderin aldy», – dedi OSK múshesi. M.Sársembaevtyń keltirgen málimet­teri boıynsha basqa óńirlerge qaraǵanda, bul joly da Almaty men Atyraý oblys­tarynyń saılaýshylary belsendilik tanyt­qan. Saılaýshylardyń kelýi tıisin­she 89,88 jáne 80,41 paıyzdy qurap otyr. «Esterińizge sala keteıin, daýys berý barlyǵy 9840 saılaý ýchaskesinde júr­gizilýde», – dedi M.Sársembaev. Ortalyq saılaý komıssııasynyń múshesi ótkizgen brıfıngten soń, Koreıa Respýblıkasy Ulttyq saılaý komıs­sııa­synyń bólim basshysy Lım Chaı Men buqaralyq aqparat quraldarynyń ókil­derine suhbat berdi. «Sizderdi Naýryz meı­ramymen quttyqtaımyn. Al saılaý úderisine keler bolsaq, ol Qazaqstan Respýblıkasynyń saılaý zańnamasyna saı, merekelik kóńil-kúıde ótip jatyr. Men bul saılaýlardyń nátıjesinde Qazaqstan óziniń ishki ulttyq ıntegrasııasyn nyǵaıta túsedi dep senemin», – dedi ol. Sonymen qatar, koreılik baıqaýshy Qazaqstan men Koreıa saılaýdy baıqaý salasyndaǵy yntymaqtastyǵyn nyǵaıtý arqyly ózara baılanystaryn kúsheıte túse­tindigin atap ótti. «Qazaqstan shynaıy demokratııa qurý jolynda ilgeri­lep keledi. Aıta keterligi, Koreıa saılaý barysynda zamanaýı elektron­dy tehnologııalardy qoldanýda mol tájirı­bege ıe. Saılaý úderisinde aqparattyq tehnologııalardy qoldaný boıynsha tájirıbe bólisý oıymyzda bar. Sondaı-aq, elderimizdiń arasyndaǵy ekonomıkalyq yntymaqtastyqtyń da keńeıe túskenine múddelimiz», – dedi Lım Chaı Men. Saǵat 19.05 «Oblystardyń, Astana jáne Almaty qalalarynyń saılaý komıssııalarynyń usynǵan málimetterine sáıkes 2016 jylǵy 20 naýryz kúngi saǵat 18.00-degi jaǵdaı boıynsha tizimge engizilgen saılaýshylardyń 75,16%-y saılaý bıýlletenderin aldy, – dedi brıfıngte Ortalyq saılaý komıssııasynyń múshesi Marat Sársembaev. – Bul bizdiń elde buryn bolǵan parlamenttik saılaýlar úshin rekordtyq kelý ekenin atap ótý qajet. Saılaýshylardyń daýys berýi áli de jalǵasýda». Budan keıin ol saılaý­shylardyń óńirler boıynsha kelý jaıy­na toqtaldy. Osy ýaqyt aralyǵynda 92,67% nátıjemen Almaty oblysy­nyń saılaýshylary alda keledi. Odan keıin Atyraý (82,91%), Qostanaı (82,57%) oblystarynyń saılaýshylaryn ataýǵa bolady. Al Almaty qalasy­nyń saı­laýshylary atalǵan ýaqyt ishinde tizimge engizilgenderdiń nebári 32,23 paıyzynyń kelýi kádimgideı-aq oılandyryp tastady. Saǵat 22.30 Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov Qazaqstan Respýblıkasy Parlamenti Májilisiniń depýtattaryn jáne máslıhattarynyń depýtattaryn saılaýda saılaýshylardyń kelýiniń aldyn ala qorytyndylaryn jarııa etti. «Qazaq­stan Respýblıkasy Parlamenti Májili­siniń depýtattaryn jáne máslıhat­tarynyń depýtattaryn saılaýda daýys berý aıaqtaldy. OSK shetelderde Qazaqstan ókildikteriniń janynda qurylǵan 65 saılaý ýchaskesi boıynsha saılaýshylardyń kelýi týraly jedel málimetterdi usyndy. Olardan málimetter keshirek túsedi, – dedi Q.Turǵanqulov. – Oblystyq, Astana jáne Almaty qalalarynyń saılaý komıssııalarynan kelip túsken habarlar boıynsha tizimderge engizilgen 9 mln. 810 myń 920 saılaýshynyń 7 mln. 564 myń 281-i saılaý bıýlletenderin aldy. Saılaýshylardyń kelýi jalpy respýblıka boıynsha 77,1 %-dy qurady». О́ńirler boıynsha alǵanda, Aqmola oblysy – 79,68%, Aqtóbe oblysy – 80,26%, Almaty oblysy – 94,06%, Atyraý oblysy – 85,37%, Batys Qazaqstan oblysy – 73,68%, Jambyl oblysy – 82,66%, Qaraǵandy oblysy – 78,83%, Qostanaı oblysy – 84,85%, Qyzylorda oblysy – 81,75%, Mańǵystaý oblysy – 75,91%, Ońtústik Qazaqstan oblysy – 85,06%, Pavlodar oblysy – 72,85%, Sol­tústik Qazaqstan oblysy – 81,57%, Shyǵys Qazaqstan oblysy – 82,44%, Astana qa­lasy – 74,65%, Almaty qalasy – 34,1%-dy qurady. «Búgingi daýys berý barysynda saılaýshylar belsendiliginiń deńgeıi óte joǵary bolǵanyn atap kórsetemiz. Bul Parla­ment Májilisiniń depýtattaryn saılaý jónindegi sońǵy saılaý naýqan­darynyń ishindegi rekordtyq kórsetkish» – dep atap ótti Ortsaılaýkom basshysy. Tóraǵanyń aıtýynsha, qazirgi ýaqytta saılaý ýchaskeleriniń barlyǵynda saı­laý­shylardyń daýystaryn sanaý júrgizilýde. Saılaý zańnamasyna sáıkes, saılaý ýchaskesinde daýystardy sanaý ýaqyty sanaý bastalǵan kezden bastap on eki saǵattan aspaýy tıis. Álısultan QULANBAI, Anar TО́LEÝHANQYZY, «Egemen Qazaqstan».