О́zimiz úshin mańyzdy, elimiz úshin mańyzdy!

Qazaqstandyqtar Otanymyzdyń baıandy bolashaǵy, baqytty ómiri úshin bir kisideı daýys berdi

*Almaty Qabanbaı batyr kóshesinde jaılasqan Ybyraı Altynsarın atyndaǵy №159 mek­tep-gımnazııanyń aýlasyna bas su­ǵyp kelip jatqan daýys berýshilerdiń ara­sy­nan eń aldymen kózimizge túskeni Táýel­siz Qazaqstan Úkimetiniń alǵashqy basshylarynyń biri Sergeı Tereshenko edi. Almatynyń qurmetti azamaty. Eks-premer-mınıstr saılaý ýchaskesinde kóp aıal­daǵan joq. Bul kezde №372 saı­laý ýchaskesinde halyqtyń qarasy kóbeıe bastaǵan. Myna aqsaqal – Sultan Súleı­men­uly Jıenbaev. Jas urpaqtyń kóbisi Sultan aǵamyzdyń Uly Otan soǵysynyń ardageri, elimizdiń partııa jáne memleket qaıratkeri ekenin bile bermeýi de múmkin. Dál osyndaı qurmet pen iltıpat Medeý aýdanynyń №371 saılaý ýchas­ke­­sinde de qaıtalandy. Bir qaýym jurt saı­laý ýchaskesiniń esiginen asyqpaı en­gen álemge tanymal aqyn Oljas Súleı­me­novti kelbetinen birden tanydy. О́z mıs­­sııasyn tez arada oryndaǵan Oljas aǵa­­n­y jýrnalıster qaýymy birden orta­ǵa aldy. Aqyl-oıdyń taýsylmas keni – ǵa­ja­ıyp aqyn jýrnalısterdiń barlyq sura­ǵy­na yqylaspen jaýap qaıtaryp jatty. «Jańa­dan jasaqtalatyn Parla­menti­miz ózi­mizge ejelden etene jaqyn ba­ıyrǵy «bir­lik, yntymaqtastyq, res­pýb­lıkanyń qar­qyndy damýy», degen usta­nymda bo­la­dy degen senimdemin» dedi Oljas Súleımenov. Qazaqtyń bulbuly Bıbigúl Tóle­genova da osy ýchaskeden – Dostyq dańǵy­lynyń boıyna ornalasqan №35 lıng­vıstıkalyq gımnazııada daýys berdi... Kúnniń kózi kókten jadyrap, jer-dúnıe jaımashýaq kúıge engende Almaty qalasy saılaýshylarynyń 30 paıyzy daýys berip úlgergen. Kesh jatyp, erte turatyn Al­ma­ty jastarynyń alǵashqy legi bul kezde at­tyń basyn saılaý ýchaskelerine burǵan. Astanadaǵy Ortalyq saılaý komıs­sııa­sy keshki 18.00-de Qazaqstan hal­qynyń 75,16 paıyzy saılaýǵa daýys berip úlgerdi degen málimet taratty. Bul kezde Almatydaǵy saılaý ýchas­­ke­lerine bas suǵyp daýys berýshi­ler­­diń sany da áli de úzilmegen Baıqaýshylar­dyń deni qym-qýyt qyzmettiń eshbir qıyn­dyq­syz aıaq­talyp kele jatqanyn baıqaǵan­daı, jeń­derin silkip, saǵattaryna qaraı bastady... Talǵat SÚIINBAI, «Egemen Qazaqstan». Sýretti túsirgen Iýrıı BEKKER. *Aqtaý Elimizdiń Parlament Májilisi men túrli deńgeıdegi máslıhattarǵa depý­tattardy saılaý Mańǵystaý oblysynda jer­gilikti ýaqytpen tańerteńgi saǵat 7.00-de bastaldy. О́ńirde 199 saılaý ýchaskesi ashylǵan bolsa, ol burynǵy saılaýlardan 22 ýchaskege artyq jáne bıyl atalmysh ýchaskelerge 300 myńnan astam saılaýshy tirkelgen, sondaı-aq, barlyq deńgeıdegi máslıhattarǵa 281 kandıdat tirkelgen. Naýryz merekesimen tuspa-tus kelgen saılaýdy Mańǵystaý oblysynda arasynda 13 halyqaralyq baıqaýshy bar 300 baıqaýshy qada­ǵalaýda. Aqtaý qalasyndaǵy 29 shaǵyn aý­dan­daǵy orta mektep ǵımaratyna bir­neshe saılaý ýchaskesi shoǵyrlanǵan. Pat­rıot­tyq ánder shyrqalyp, keń aýla­da jármeńke uıymdastyrylǵan. – Bizdiń ýchaskege 2436 saılaýshy tir­kelgen. Saǵat tańerteńgi 9.00-ge de­ıin 300-den astamy daýys berdi. Esh­­­­qan­­­­daı quqyqbuzýshylyq oryn al­ǵan joq. Arasynda saılaýdy baıqaý jónin­degi res­pýb­lıkalyq qoǵamdyq komı­s­sııa múshesi de bar baıqaýshylar keldi. Eń qart saılaýshymyz – Ekinshi dúnıe­júzilik soǵystyń ardageri, 1920 jyly týǵan, ıaǵnı 96 jastaǵy Aıbergen Júzbaev aqsaqal, – deıdi №23 saılaý ýchaskesiniń tóraıymy Rıma Beknazarova. R.Aıashqyzynyń aıtýynsha, ýchaskege al­dyńǵy lekte múgedek ulyn ertip kel­­gen qart anaǵa arnaıy syı-sııapat usy­ny­lypty. Ýchaskede M.О́skenbaev atyn­daǵy Mańǵystaý oblystyq fılar­monııasynyń ónerpazdary kelýshilerdi án-jyrmen qarsy alyp jatty. Gúlaıym ShYNTEMIRQYZY, «Egemen Qazaqstan». *Aqtóbe Qazaqstan Parlamenti Májilisi jáne barlyq deńgeıdegi máslıhattar saılaýy kúni bolatyn tańda aspannan jaýǵan aq ulpa qar tús aýa ǵana ashyldy. Munyń ózi saılaý naýqanyna degen aqtóbelikterdiń aq nıetindeı áserge bóledi. Saılaýshylar oblys ortalyǵyndaǵy №61saılaý ýchas­ke­sine ózderiniń azamattyq paryzyn óteýge tym erte jınaldy dese de bolǵan­daı. Saılaý ýchaskesi ashylmaı turyp-aq munda jınalǵan adam qarasy kóp kórindi. Ýchaskelik saılaý komıssııasynyń músheleri erte qamdanǵan saılaýshylarǵa ystyq shaı usynyp, ózara áńgime-dúken qurýlaryna jaǵdaı jasady. Saılaý ýchaskesi ashylysymen seksenniń seń­girine qadam basqan Iýrıı Malyshkın bastaǵan qarttar bıýlletenderin alyp, azamattyq paryzdaryn ótedi. №61 saılaý ýchaskesiniń tóraıymy Roza Aman­baeva qashannan qalyptasqan usta­nymdarynan aınymaǵan qarttarǵa ózindik syı-sııa­patyn jasady. Qart saılaýshylardyń mun­daı yqylasqa kóńilderi kóterilip, máz-meıram boldy. Olardyń qaı-qaısysynyń da aıtary eldegi tynyshtyq pen birlik, baqýatty turmys jaıy, sol úshin Elbasyna degen rızashylyǵy der edik. Bul saılaý ýchaskesinde 1620 saılaýshy daýys berýi tıis eken. Otyz toǵyz saılaý­shynyń úılerine baryp, daýys bergizýdiń sharasy alynǵan. Ýchaskede saılaýshylar tizimi kórneki jerge ilingen. Ýchaskelik saılaý komıssııasynyń múshe­leri kelgen saılaýshylardy tizimnen tez taýyp berdi. Birinshe ret saılaýǵa qatysyp otyrǵan Kamal Erǵazıev bul kún óz ómirindegi eń baqytty sát ekenin jet­kizdi. Al, uzaq jyl muǵalim bolǵan Arýza Úrgenishbaeva apaıdy jerdiń taıǵaq­tyǵynan saqtanyp, uly Azat ertip kelipti. №61 ýchaskelik saılaý komıssııa­synyń tóraıymy Roza Amanbaeva saılaýshyldardyń tizimi naqytylanyp, olarǵa shaqyrý qaǵazdary erterek jet­­kizilgeniniń nátıjesinde saılaý­shylardyń belsendiligi jaqsy ekenin aıtty. Osy ýchaskede 17.30 saǵatqa deıin 1920 saılaýshynyń 1790-y daýys berip úlgerdi. «Qazaqstan Respýblıkasynda saı­laýdy baıqaý jónindegi respýb­lı­ka­lyq qoǵamdyq komıssııa» res­pýb­lıkalyq qoǵamdyq birlestigi oblys­tyq ortalyǵynyń jetekshisi Halel Qusaıynovtyń aıtýynsha, jalpy oblysta tirkelgen 475447 saılaýshynyń 16.00 saǵatqa deıin 72 paıyzy daýys bergen. Satybaldy SÁÝIRBAI, «Egemen Qazaqstan». *Atyraý Atyraý oblystyq aýmaqtyq saılaý komıssııasynyń tóraǵasy Asaý Ibrashevtyń málim etýinshe, óńirde buǵan deıin 9 aýmaqtyq saılaý komıssııasy jumysyna kirisken edi. Sonymen birge, 134 okrýgtik saılaý komıssııasy men 234 ýchaskelik saılaý komıssııasynyń quramy da jasaqtalypty. Saılaý bastalǵanǵa deıin munaıly óńirde turatyn 302 186 saılaýshynyń daýys beretindigi belgili boldy. Degenmen, Atyraýǵa ózge óńirler­den vahtalyq aýysymmen jumys jasaýǵa keletin munaıshylardyń bar ekendigi eskerildi. Olardyń sany – 3000-nan astam adam. Máselen: «Týǵan jerimnen jyraqta júrsem de saılaýda óz tańdaýymdy bil­dirýge múmkindik alǵanyma qýanysh­tymyn. Men elimizdiń bolashaǵy úshin daýys berdim. Bul – ár azamattyń paryzy» degen Danagúl Eleýova Atyraý qalasynyń irgesindegi Talǵaırań aýyldyq okrýgindegi №77 saılaý ýchaskesinde da­ýys berýge keldi. Onymen birge Atyraý qalasynan 30 shaqyrymnan astam qashyq­tyq­taǵy «Bolashaq» munaı men gazdy keshendi daıyndaý qondyrǵysynda birge eńbek etetin 2300 adam arnaıy avtobýs­­tar­men saılaý ýchaskesine jetkizildi. Sol sekildi Atyraýǵa ózge óńirlerden kelgender «Qashaǵan» kenishinde de jumys jasaıdy. Munda aýysymdyq ju­mysqa tartylǵan 700-den asa otandas­tary­­myzdyń óz tańdaýyn jasaýy úshin saılaý bıýlletenderi arnaıy tikushaqpen jetkizildi. Osy kezeńde Atyraýda sýdan marjan súzetin balyq­shylardyń kóktemgi balyq aýlaý naýqany da bas­taý aldy. Degenmen, olar da ózderiniń tańdaýyn bildirýine múmkindik alyp, Damby aýylyndaǵy №83 saılaý ýchas­kesine uıymshyldyqpen keldi. Bul kúni Atyraýdaǵy taǵy bir saılaý ýchaskesi – №83 saılaý ýchaskesinde Nurtaı О́teǵulovtyń munaıshylar áýleti daýys berdi. Onyń ózi otyz jyldan beri munaı-gaz ónerkásibi salasynda abyroıly eńbek etip keledi. «Biz saılaýda daýys berý arqyly elimizdiń damýyna, ósip-órkendeýine atsalysamyz», deıdi óz isiniń bilgir mamany Nurtaı Janaruly. Saılaý ýchaskelerindegi saılaý úde­risin halyqaralyq 12 baıqaýshy baqy­la­dy. Onyń ishinde EQYU-dan – 10, TMD baıqaýshylar tobynan 2 baıqaýshy bar. Joldasbek ShО́PEǴUL. «Egemen Qazaqstan». Sýretti túsirgen Rahym QOILYBAEV. *Kókshetaý Saılaý belgilengen 20 naýryz kúni týra tańǵy saǵat altyda Kókshetaýdaǵy №1 mektepte ornalasqan №6 saılaý ýchaskesiniń esigi aıqara ashyldy. Qazaq­stan Respýblıkasynyń Ánurany oryn­dalǵan soń alǵashqy daýys berý qurmeti 88 jastaǵy eńbek ardageri Aıdarhan Temirbaevqa berildi. Odan keıingi kezek servıstik-tehnıkalyq lıseıdiń oqýshysy Batyrhan Jylqaıdarovqa tıdi. Ol eli­miz úshin asa mańyzdy saıası naýqanǵa tuńǵysh ret qatysyp otyr. Qos urpaqtyń ókili «Máńgilik El» murattaryna sapar bastaǵan Táýelsiz Qazaqstanymyzdyń jarqyn bolashaǵy úshin daýys bergenderin aıtty. Bul eki azamatqa arnaıy syılyqtar tap­syryldy. Atalǵan ýchaskelik saılaý komıs­sııasynyń tóraıymy Irına Golov­chenkonyń aıtýynsha, saılaý ýchaskesinde 3907 saılaýshy tirkelgen. Alǵashqy eki saǵatta olardyń 17 paıyzy azamattyq paryzyn óteýi joǵary belsendilikti aıqyndaıdy. Mun­da búgin 19 qyz-jigit birinshi ret daýys berse, 30 adamnyń úıine jyl­jymaly jáshik jetkiziledi. Oblystyq saılaý komıssııasynyń tóraǵasy Ádilhan Shaıahmetov bizben áńgimesinde óńirdegi 785 ýchaskede saılaý belsendilikpen ótip jatqanyn málimdedi. Munda saılaýdy ótkizýge qatysty jaǵ­daılardyń bári jasalyp, daýys berýdiń zańdyq talaptary qamta­masyz etilgen. Jalpy, osynaý aıtýly kúni 470 myńnan astam adam daýys berse, olardyń 18-iniń jasy 100-den, al Kókshetaý qalasynyń 600 turǵyny 90 jastan asqan qarııalar eken. Sondaı-aq, 3 myńnan astam jas birinshi ret saılaý ýchaskelerine kelip otyr. Saılaýdyń ádil de taza ótýine 6 myńnan astam baı­qaýshy septik jasaıtyn bolady. Olar­dyń qatarynda Fransııa men Fınlıan­dııadan kelgen eki uzaq merzimdi baıqaýshy jáne TMD Parlamentaralyq Assambleıasynyń 3 múshesi bar. Baqbergen AMALBEK, «Egemen Qazaqstan». *Qaraǵandy Qaraǵandy qalasyndaǵy Nurken Áb­dirov atyndaǵy sport saraıynda or­na­lasqan №58 saılaý ýchaskesinde «Shahter» fýtbol klýbynyń oıynshy­lary Evgenıı Gorıachıı men Sergeı Vetrov óz tańdaýlaryn jasap, daýys berdi. – Men búgin daýysymdy ózim tańdaǵan partııa men úmitkerge berdim. Jalpy, demo­kratııalyq baǵyt ustanǵan qoǵamda ómir súrip otyrǵandyqtan, saılaý ýchas­kesine baryp, daýys berý árbir qazaq­standyqtyń azamattyq boryshy dep bilem. Endigi tilegim men daýys bergen úmitker saılaýda jeńip shyǵyp, elimizde salamatty ómir saltyn qalyptastyrý isin ilgeri jyljytýǵa óz úlesin qossa deımin, – dedi «Shahterdiń» qorǵaýshysy Evgenıı Gorıachıı. Daýys bergen fýtbolshylardy qol­dap, saılaý ýchaskesine «Shahterdiń» oıyn­shylary, komanda kapıtany Andreı Fınonchenko men Qazaqstan qurama komandasynyń múshesi Maqsat Baıjanov keldi. Atalǵan saılaý ýchaskesinde bolǵan baıqaýshylarmen tildeskenimizde, olar­dyń bári de bul jerde eshqandaı zań buzý­shylyqtyń bolmaǵanyn, saılaýdyń demo­kratııalyq talaptarǵa saı ótkenin aıtty. «№58 saılaý ýchaskesi tańǵy 7.00-den bastap jumys istedi. Tańdaýshylardyń belsendiligi túske deıin de, tústen keıin de bir sát saıabyrsymady. Turǵyndar saılaýǵa kóterińki kóńil-kúımen, kóbisi bala-shaǵasymen keldi. Saılaý úlken uıym­shyldyqpen, demokratııalyq talap­tardyń bári oryndalyp, óte durys ótti. Tehnıkalyq turǵydan uıymdastyrylýy da óte jaqsy boldy. Saılaý barysynda Qazaqstan zańdary men normalarynyń barlyq talaptary oryndaldy. Bul oraıda bizdiń eshqandaı eskertýimiz bolǵan joq», – degen pikir bildirdi táýelsiz baıqaýshy Murat Sembaev. Qaırat ÁBILDINOV, «Egemen Qazaqstan». *Qostanaı Keshe Qostanaıda tań atqannan japalaqtap jaýǵan naýryzdyń aqsha qary keshke deıin tyıylǵan joq. Saılaýdyń jaýapkershiligin asa sezingen qostanaılyqtar óliaranyń minezin eler emes. Ádette, demalys kúni tańerteń kóshede kisi qarasy az bolatyn. Al saılaý kúni borap turǵan qarǵa qaramaı, jasy da, kárisi de saılaý ýchaskelerine aǵyldy. Qostanaı qalasyndaǵy №62 saılaý ýchaskesi ornalasqan oblystyq «Mıras» mádenıet úıiniń aldy saǵat 10.00-den keıin halyqtyq merekege aınalǵandaı boldy. Qaladaǵy «Aq darıǵa» ájeler ansambli ándi bastap jibergen eken. Daýys berip shyqqan saılaýshylar japalaqtap jaýǵan aqsha qardyń astynda ájeler ánine dóńgelene vals bıleı jóneldi. «Elimiz aman bolsyn, jurtymyz aman bolsyn! Elimizdiń erteńi úshin daýys berdik», deıdi olar. Barlyq saılaý ýchaskelerine saılaý­shylar tańerteńgi 8.00-den kele bastady. Ásirese, saǵat 10.00-ǵa qaraı daýys beretinder kezekke turdy. – Saılaýshylar belsendiligi óte joǵary, túske deıin olar birneshe ret kezekke turdy. Buryn ádette, tańerteńgi mezgilde negizinen qusuıqy aǵa urpaq ókilderi kelýshi edi, bul joly jastardyń belsendiligi rıza etti, – deıdi №62 saılaý ýchaskesiniń tóraıymy Olga Malyh. Respýblıkalyq ortalyq saılaý komıssııasynyń málimetinshe, saılaýshylardyń daýys berýi jóninen kúndizgi saǵat 10.00-de Qostanaı oblysy top bastady. Oblys ákimi Arhımed Muhambetov №21 saılaý ýchaskesine kelip daýys berdi. – Oblystyń jergilikti atqarý organdary saılaý aldynda úlken uıymdastyrý jumysyn júrgizdi. 357 iri saılaý ýchaske­lerinde saılaýshylardyń mekenjaı máli­metin alatyn beketter quryldy. Bar­lyq aýdandar men qalalarda koll-or­ta­lyq­tar saılaýshylarǵa qolaılylyq tý­ǵyz­dy. Búgin barlyq saılaý ýchaske­lerin­de turǵyndardyń daýys berýi úshin kom­mýnaldyq jáne jol qyzmeti úzilissiz jumys isteıdi, – dedi Arhımed Begejanuly. Qostanaılyqtardyń daýys berý belsen­diligi qalalarmen qatar, aýdandarda, shalǵaı aýyldarda joǵary boldy. Saılaý kúni 818 saılaý ýchaskesi oblystaǵy 550 myń saılaýshylaryna esigin aıqara ashty. Oblystyq saılaý komıssııasy tústen keıin, saǵat 16.00 shamasynda oblys boıynsha saılaýshylardyń 68 paıyzy óz tańdaýyn jasaǵanyn aıtty. Názıra JÁRIMBETOVA, «Egemen Qazaqstan». *Qyzylorda Syr elindegi saılaý qarqyndy ótti. Oblystyq, qalalyq, aýdandyq máslıhat depýtattyǵyna usynylǵan 362 kandıdat belgilengen 147 orynnan úmitker. Bylaı aıtqanda, depýtattyq 1 mandatqa 2,5 kandıdattan básekeles kelip tur. Máslıhat depýtattyǵyna tirkelgen kandıdattardyń ortasha jasyna toqtala keteıik. Oblystyq máslıhatta – 49 jas, aýdandyq máslıhattarda – 45 jas, al qalalyq máslıhatta 41 jas aıyrmasymen tur. Sondaı-aq, 30 jasqa tolmaǵan aza­mat­­tardyń sany 16 paıyzdy qurasa, 30-60 jas arasyndaǵy kandıdattar 80 paıyzdy, 60-tan asqan kandıdattar qalǵan 4 paıyzdy quraıdy. Úmitkerler ishinde er adamdar sany – 295, názik jandylardyń 67-si depýtattyq orynǵa úmitti. Kandıdattardyń basym bóligi jo­ǵary bilimdi, olardyń ishinde mu­ǵalim, ınjener, ekonomıst, zańger, dáriger, aýyl sharýashylyǵy salasynyń ma­mandary men ózge salanyń ókilderi bar. Qalǵan úmitkerler de arnaýly orta jáne kásiptik orta bilimmen qarýlanǵan. Barlyq tirkelgen kandıdattardyń 217-i ózin ózi usyný jolymen, 143-i «Nur Otan» partııasymen, 1-i «Aýyl» HDPP, 1-i – «Aqjol» QDP-dan usynylǵan. 144 úmitker «Nur Otan» partııasynyń múshesi, 2-eýi «Aýyl» HDPP, 1-eýi «Aqjol» QDP múshesi bolsa, qalǵan 222 kan­dı­dat partııalar qatarynda joq. Qyzylorda oblysynda saılaý barysyn 19 halyqaralyq baıqaýshy qadaǵalady. Olardyń 10-y Eýropadaǵy qaýipsizdik jáne yntymaqtastyq uıymynan bolsa, 7-eýi Túrkitildes elder yntymaqtastyq keńesiniń jáne 2-eýi TMD memleketterinen kelgen halyqaralyq baıqaýshylar. Sonymen qatar, saıası partııalar ókilderi, kandıdattardyń senim bildirgen adamdary men qoǵam­dyq uıymdardyń 5000-ǵa jýyq baıqaý­shylary jumys jasady. Oblystyq saılaý komıssııasyna saı­laý zańnamalarynyń buzylýy jóninde aryz-shaǵym túsken joq. Halyq Máji­lis­tiń kezekten tys, jergilikti más­lı­hat­tar­dyń kezekti saılaýyna belsendi qatysty. Erjan BAITILES, «Egemen Qazaqstan». *Oral Naýryz aıy týǵaly tunjyrap turǵan Aqjaıyq aspany keshegi Parlament Májilisi men barlyq deńgeıdegi más­lıhat­tar depýtattary saılaýy kúni ja­­dy­rap sala berdi. Sháıdaı ashyq kún. Kógildir kóktemniń saf aýasy saı­laý­shylar belsendiligin odan ári kótere tús­kendeı áser qaldyrdy. Oblys­ta qu­rylǵan 520 saılaý ýchaskesiniń bárin­de de qyzý qarbalas baıqaldy. Ta­ńer­teńgi jáne túske deıingi ýaqytta paı­da bolǵan saılaýshylar kezegi myń­da­ǵan batysqazaqstandyqtardyń óz daýys­taryn erterek berip úlgerýge asyq­qan­daryn aıqyn ańǵartqandaı. Batys Qazaqstan oblystyq saılaý komıssııasynyń tóraǵasy Ǵaısa Qapaqov, óńirde túrli deńgeıdegi máslıhattar depý­tattyǵyna 580 úmitker tirkelgenin málim­dedi. Bul derek bir orynǵa úsh úmit­ker baq synaǵanyn, saılaýdyń meılinshe tartymdy da tartysty bol­ǵa­nyn kór­se­tedi. О́ńirge Eýropadaǵy qaýip­sizik jáne yntymaqtastyq uıymy men TMD-dan kelgen baıqaýshylar oblystaǵy saılaý úderisteri halyqaralyq norma­larmen bekitilgen tártipke saı ótkenin aıtyp berdi. Solardyń biri Reseı Fede­rasııasy Saratov oblystyq saılaý komıs­sııasy tóraǵasynyń orynbasary Iýrıı Brızgalın Qazaqstandaǵy Par­lament Májilisi men barlyq deńgeı­degi máslıhattar depýtattary saılaýyn ótkizý men uıymdastyrý isinde úırenýge turatyndaı jaıttar bar ekenine toq­taldy. Sonymen birge, ol óńirdegi jas saılaýshylardyń belsendiligine kóńili tolǵanyn jetkizdi. Bul faktor Qazaqstanda jastardyń óz memleketiniń bolashaǵyna salǵyrt, nemquraıly qaraı almaıtynyn kórsetedi, dedi baıqaýshy odan ári. Biz keshe Oral qalasynyń altynshy shaǵyn aýdanyndaǵy №502 saılaý ýchas­ke­sinen daýys berip shyǵyp kele jat­qan jas saılaýshynyń birin áńgimege tart­qan edik. Ol ózin Dıana Ábýova dep tanystyrdy. Oblys ortalyǵynda ornalasqan «KazTrýbProm» JShS-da tehnıka qaýipsizdigi jónindegi ınjener bolyp qyzmet jasaıdy eken. Bıylǵy Parlament saılaýyna alty birdeı saıası partııanyń qatysýy elimizdiń demo­kra­tııalyq turpattaǵy bet-beınesin tereń­dete túsedi. Partııalar básekelestigi el­diń damýy­­nyń bir tutqasy bola alady degen oıdamyn. Sondyqtan da, men baǵ­dar­­lamasy aıqyn, is-qımyly naqty par­tııanyń birine daýys berip shyǵyp kele­min, dedi ol gazet tilshisine. Al «Egemen Qazaqstannyń» Oral qala­syndaǵy tilshi qosynyna shalǵaıdaǵy Jańaqala aýdanynan telefon shalǵan Uly Otan soǵysynyń ardageri, jasy 93-ke kelgen qart maıdanger Májıt Jadanov buǵan deıin qalyptasqan ádetinshe saılaý ýchaskesine erte kelgenin habarlap, saı­laý­dyń ýaqytynan buryn ótkizilgeni daǵ­darysty eńserýdiń taptyrmas bir tetigi bola alǵanyn aıtyp berdi. Oral óńirindegi saılaý serpilisi jónindegi keıbir oı-úzikteri osyndaı. Temir QUSAIYN, «Egemen Qazaqstan». Sýretti túsirgen Rafhat HALELOV. *О́skemen Shyǵys óńiri Májilis pen máslıhat saılaýlaryna bir kisideı belsene qatys­ty. Saǵat 7.00-de óńirdegi 1075 saılaý ýchaskesi daýys berýshilerge esigin aıqara ashty. Barlyq ýchaskede konserttik baǵdarlama men jármeńke uıymdastyrylyp, jergi­likti ónerpazdar saıası mańyzy zor sharany shat-shadyman merekege aınaldyrdy. Oblys ortalyǵynda sońǵy jyldary boı kótergen №19 shaǵyn aýdannyń turǵyndary tańmen talasa turyp, bıyl paıdalanýǵa berilgen №46 mektepte ornalasqan №95 saılaý ýchaskesine daý­ys berýge aǵylǵanynyń kýási boldyq. Sondaı-aq, Nazarbaev zııatkerlik mek­tebinde oryn tepken №2 jáne №1136 saılaý ýchaskelerindegi uzyn-sonar kezek te shyǵysqazaqstandyqtardyń saıa­sı belsendiliginiń aıǵaǵyndaı áser qal­dyrdy. Sáýir Dánebaev esimdi aq­saqal­dy sózge tartqanymyzda, zerli shapan kıgen qazaqy qalyptaǵy qarııa Ulystyń uly kúnimen qatar kelgen saılaýdyń halyqtyq merekege aı­­nalǵanyn aıtty. Tańdaý jasaýǵa otba­sy­men kelýshiler qatarynyń kóbeıýi de shyǵysqazaqstandyqtardyń shynaıy yqylasy ispetti. Máselen, ata-ájesi, nemerelerimen birge kelgen óskemendik Keneshbaevtar otbasy №18 saılaý ýchas­kesinde daýys berdi. «Bizden 4 jasar Ismaıl esimdi nemeremiz de qalǵan joq. Olar osy kezden bastap, ózderiniń saıası quqyǵy týraly bilgeni abzal», dedi áýlettiń ájesi Parıha Baıdýrahmanqyzy. О́ńirdiń barlyq qalalary men aýdandarynda da saılaýǵa qatysýshylar deńgeıi joǵary. Máselen, Kýrchatov qalasynda 7664 saılaýshy bolsa, olar­dyń 42 paıyzy tańǵy saǵat 11.00-ge deıin óz tańdaýlaryn jasap úlgerdi. Saılaý kúninde óńir jastary áleý­mettik jeli arqyly halyqty daýys berýge shaqyrǵan erekshe estafetany bas­tady. Aǵylshynnyń «follow me», ıaǵnı, «sońymnan er» maǵynasyn beretin sózimen saılaý ýchaskelerinen kúrdeli selfı jasap, fotosýretterin áleýmettik jelige or­nalastyrǵan shyǵysqazaqstandyq jas­tardyń bastamasyn basqa aımaqtar da qoldap, jalǵastyrdy. Dýman ANASh, «Egemen Qazaqstan». *Pavlodar Oblys ortalyǵyndaǵy №59 saılaý ýchaskesi Sývorov kóshesi 3, №1 mektepte ornalasqan. О́z eliniń bolashaǵy úshin tańdaýyn jasaýǵa kelgen árbir turǵyn kezegi kelgende kabınaǵa qaraı ótip, daýys berdi. Osy ýchaskede alǵashqylardyń biri bolyp daýys bergen zeınetker Valentına Sokolova degen qart saılaýshy osyndaı qarttyq jasymda daýys beremin dep oılaǵan da joqpyn. Jaqsy ómir adamǵa uzaq ǵumyr syılaıdy eken. Daýys berý – qazaqstandyqtar úshin mańyzdy kún. Bolashaq qazaqstandyqtar – nemerelerimiz jaqsy ýaqytta tynyshtyqta ómir súrsin. Sol úshin daýys berip tańdaý jasadym, – deıdi ájeı. Al biz budan ári qaraı baryp kórgen №28 saılaý ýchaskesinde Lermontov, Kýtýzov jáne Pavlov kósheleri boıynda turatyn turǵyndar daýys berdi. №28 aýmaqqa tıesili turǵyndardyń jalpy sany 1816 adam. Erteńgilik alǵashqy bolyp daýys berýge zeınetker Dáýit ata men apamyz, ıaǵnı Raqymǵalıevter otbasy keldi. Saılaý ýchaskesiniń tóraıymy Tileýles Qalıevanyń aıtýynsha, ashyl­ǵan ýaqyttan bastap alǵashqy saǵatta 50-den asa saılaýshy kelip daýys berdi. Jaq­sy belsendilik kórsetti deıdi. Saılaý bólimshesinde 7 baıqaýshy jumys jasady. Oblystyq máslıhattyń №14 aýmaq bo­ı­yn­sha senimdi ókili Sáýle Iksatovanyń aıtýyn­sha, baıqaýshylardyń negizgi mindeti saılaýshylar quqyqtarynyń saqtalýyn jáne saılaýdyń ashyq ótýin qadaǵalaý. Osy bólimshege tirkeýli 1816 turǵynnyń 32-si densaýlyqtaryna baılanysty óz úılerinde daýys berdi. Olardyń meken-jaıyna komıssııa músheleri saǵat 12-den bastap bıýlletenderdi jetkizdi. Sondaı-aq, kámelet jasyna tolyp, alǵash ret daýys beretin 11 jas tirkeldi. Oblysta 569 saılaý ýchaskesi jumys jasady. Oblystyq saılaý komıs­sııa­synyń tóraıymy Álııa Sabyr­hanova­nyń aıtýynsha, jalpy, oblysqa TMD-dan 16 baıqaýshy kelgen. EQYU-dan kelgen baqylaýshylar qatarynda AQSh, Avstrııa, Irlandııa, Ger­manııa, Polsha elderiniń ókilderi Aqsý, Eki­bas­tuz, Qashyr, Baıanaýyl aýdan­darynda ózderiniń baıqaýshylyq min­detterin atqardy. Farıda BYQAI, «Egemen Qazaqstan». *Petropavl Oblystyq saılaý komıssııasy bergen málimet boıynsha 390 myńnan astam saılaýshy tirkeýge alynyp, basym bóligi óz tańdaýlaryn jasady. Tańǵy saǵat tili 7-ni kórsetisimen oblys ortalyǵynan shetkeri ornalasqan Borkı kentindegi №693 saılaý ýchaskesi óz esigin aıqara ashty. Ýchaske tabaldy­ryǵyn birinshi bolyp Astanadaǵy me­dı­sı­nalyq ýnıversıtette oqıtyn stý­dent qyz attady. Surastyra kele aty-jóni Fatıma Áljanova ekenin, ata-anasy tu­ryp jatqan qalaǵa kelgenin bildik. Oqý ozaty alǵash ret daýys bergenin maq­ta­nysh­pen jetkizdi. Osyndaǵy saılaý ýchas­kesiniń tóraıymy Janna Berejnaıa 1436 saılaýshynyń tirkelgenin, eki baıqaýshynyń qadaǵalaýymen aınalysyp otyrǵanyn málimdedi. №692 saılaý ýchaskesine kelgenimizde adam qarasynyń moldyǵyn ańǵardyq. 1652 saılaýshy úshin 6 kabına jumys isteıdi. Munda da par­tııalar men jergilikti máslıhat depý­tattyǵyna úmitkerlerdiń senimdi ókilderi óz isterine qarqyndy qımylmen kirisken. Aımaq basshysy Erik Sultanov oblystyq balalar men jasóspirimder shyǵarmashylyq ortalyǵynda ornalas­qan №644 saılaý ýchaskesinde óz tań­daýyn jasaǵannan keıin BAQ ókilderine suh­bat berdi. Ol óz sózinde saılaýdyń ma­ńyz­dylyǵyn, Memleket basshysy el­diń turaqty damýy úshin aýqymdy min­detter qoıǵanyn atap ótti. Saǵat 10-da Saılaý barysyn bilý maq­­­satymen oblystyq saılaý komıs­sııa­­sy­men habarlasqanymyzda óńir tur­ǵyn­darynyń 23,85 paıyzy bıýlle­ten a­lǵa­nyn, Ǵ.Músirepov, Ýálıhanov, Esil aýdan­­darynda saıası belsendilik budan da jo­­ǵa­ry ekenin bildik. Osy kez­de buryn­nan kóz­tanys Amangeldi degen azamat telefon soǵyp, №640 saı­laý ýchaskesinde turǵanyn, tizimnen aty-jónin tappaǵandyqtan, tańdaý ja­saı almaı otyrǵanyn renishti ún­men aıtty. Mundaı oqıǵany biz №635 saılaý ýchaskesinde de keziktirdik. Alaıda, kiná keıýananyń ózinen ekenin saılaý ýchaskesiniń tóraıymy Galına Mıtrofanova baıyppen túsindirip, máseleni tez-aq sheship berdi. Aragidik kez­desken mundaı kem-ketikter saılaýǵa kóleńke túsire almasy anyq. Saǵat tili 12-ni nusqaǵanda soltús­tik­qazaqstandyqtardyń – 48,1, saǵat 14.00-de 61,2, saǵat 18.00-de 76,48 paıyzy óz tań­daýlaryn jasaǵandary belgili boldy. О́mir ESQALI, «Egemen Qazaqstan». *Taraz Jambyl oblysynyń saılaý­shy­­lary ótken naýqanda asqan bel­sen­dilik tanytty. Oblystyq saılaý komıs­sııasynyń bergen málimetine qara­ǵanda, tús aýǵansha-aq jambyldyq saı­laý­shylardyń jartysynan astamy, naq­tyraq aıtsaq, 400767 daýys berýshi óz tańdaýlaryn jasap úlgerdi. Bul jalpy saılaýshylardyń 76,3 paıyzyn quraıdy. Ýchaskelerde saılaýshylarǵa barlyq jaǵdaı jasalǵan. Aýlada ásem án qalyqtap, jas órender kelýshilerge óz ónerlerin pash etýde. Taraz qalasyndaǵy №50 saılaý okrýgine daýys berýge alǵash bolyp kelgen 18 jastaǵy Qýanysh Altynbek pen Botagóz Álibaevanyń qýanyshtan júzderi bal-bul janady. Eki jas el taǵdyry sheshiletin jaýapty sátke beı-jaı qaraı almaıtyndaryn aıtady. «Bul saılaý ýchaskesi ornalasqan №53 orta mektep meniń bilim alǵan shańyraǵym. Sondyqtan, bul ǵımarat men úshin óte ystyq. Tańerteń erte turyp, saılaý ýchaskesine jetkenshe asyq boldym, bul men úshin úlken jaýapkershilik. Biz eldiń yntymaǵy, tatýlyǵy, turaqtylyǵy úshin daýys berdik. Sebebi, el keleshegi – bul bizdiń de keleshegimiz. Ony jaqsy túsinemiz. Biz beıbitshilik pen kelisimde, turaqtylyqta ómir súrgimiz keledi. Ol úshin keleshek urpaǵymyzdyń jarqyn bolashaǵy úshin senimdi bolýymyz kerek», deıdi Qýanysh Altynbek aǵynan jarylyp. Árıne, ár saılaý eldi birlikke shaqy­ryp, jurtty eńbekke uıytýy qajet. Bul kúni óz tańdaýlaryn jasaýǵa asyqqan kóp jurttyń shat-shadyman kóńil-kúılerin baıqap, yntymaǵy men birligi jarasqan el ekenimizdiń taǵy da bir nyshanyn kórgendeı qýanyp qaldyq. Oralhan DÁÝIT, «Egemen Qazaqstan». Sýretti túsirgen Aqádil RYSMAHAN. *Taldyqorǵan Bul kúni Jetisý jerinde kún shaıdaı ashyq boldy. Jadyraı ári ádemi kıimderin jarastyra kıingen aýyldar men qalalardyń turǵyndary saılaý ýchaskelerine qaraı aǵyldy. Ár ýchaskege kirer esikte sypaıy ǵana sálem bere jol nusqaǵan jandarǵa alǵystaryn aǵytqan qarııalar men ájeler jeke kýálikterin kórsetip, tıisti bıýlletenderin alǵan soń, perde ishine enip óz tańdaýlaryn jasap, shyǵyp jatty. Beıbit ómir men jarasty tirlikke táýbe etken qarııalardyń biri – 111 jastaǵy Qanııahan Tuqaeva Talǵar aýdany, Tuzdybastaý aýylyndaǵy №931 saılaý ýchaskesinde konstıtýsııalyq quqyǵyna saı azamattyq mindetin ári paryzyn ótese, eń jas saılaýshy Marjan Seıtqoja Raıymbek aýdany № 627 saılaý ýchaskesinde daýys berdi. Negizi Almaty oblysy boıynsha 990021 saılaýshy daýys berýi kerek bolsa, bul kúni saǵat 16.00-ge deıin 889877 saılaýshy, ıaǵnı 89,88 paıyzy óz tańdaýlaryn jasap úlgerdi. Taǵy erekshe aıta keter jaıt Jetisý jerinde 103 etnos ókilderiniń birde-biri saıası naýqannan shet qalmady. Adamdardyń jadyraǵan júzi, asyqpaı-aptyqpaı saılaý ýchaskelerine kelip-ketýleri de eldegi tynyshtyqtyń berik oryn alǵandyǵyn aıqyn kórsetedi. Bul kóri­nisterge Taldyqorǵanǵa qysqa mer­zim­ge baıqaýshy bolyp Germanııadan kel­gen Brıdjet Daıber jáne Reseılik Aleksandr Shalah kýá bolǵanyn da aıta ketken durys. Bir kisideı azamattyq paryzyn óteýshiler qatarynda Almaty oblysynyń ákimi Amandyq Batalovta Taldyqorǵandaǵy №866 saılaý ýchas­kesinde óz tańdaýyn jasady. Sóıtip, el birliginde ózindik oryn alatyn bul saılaý da ashyqtyq pen jarııalylyqty aıqyn kórsetti. Nurbol ÁLDIBAEV, «Egemen Qazaqstan».  *Shymkent Saılaýda durys tańdaý jasaý eldiń erteńin eńseli etedi. Jasy júzden assa da, eki ǵasyrdyń dámin tatsa da tátti ómirge qulshynysyn joǵaltpaǵan, bolashaq úshin alańdaıtyn qazyǵurttyq keıýana Jazıra apaıdy saılaý ýchaskesine jetelegen osy kúsh. Birinshi bolyp tańdaýyn jasap, saıası naýqannyń durys ótip, azamattardyń el paıdasyna jumys jasaýyna batasyn berdi. Kúndizgi saǵat 14.00-ge deıin oblys­taǵy saılaýshy­lardyń 68,70 paıyzy óz tańdaýlaryn jasap qoıdy. Al qaı aýdandar belsendi desek, osy mezgilge deıin Shardara aýdanynyń saılaýshylary 72,20 paıyz daýys berdi. Odan keıin Saıram jáne Otyrar aýdandary keledi. On segizinshi naýryzǵa deıingi málimet boıynsha, 812 úmitker tirkelgen bolatyn. Ony jikter bolsaq, oblystyq máslıhatqa 127 azamat, aýdandyq máslıhatqa 488 azamat, qalalyq máslıhatqa 197 azamat saılaýǵa tústi. Bir orynǵa 2,6 úmitker baǵyn synaýda. Saılaýdyń durys ótip jatqanyna ózimiz de kóz jetkizdik. О́z ýchaskemizde otbasymyzben tańdaý jasadyq. Baıqaý­shy­lar qaı-qaısynda da kóp. Tártip saq­shylary, jedel járdem mashınasy sııaq­ty kerektiń bári bar. Shetelden arnaıy kelgen saılaýdy baıqaýshylar da kezek-kezegimen saılaý ýchaskelerinde júr. Kúndizgi saǵat 16:00-ge deıin oń­tús­tik­te 80,92 paıyz saılaýshy óz tań­daý­laryn jasap úlgerdi. Baqtııar TAIJAN, «Egemen Qazaqstan».