Daýys berý tańǵy saǵat jetide ádettegideı ánuranmen bastaldy. Men baqylap otyrǵan №50 ýchaskede eń alǵash bolyp 18 jastaǵy bir jigit pen bir qyzdyń qatar kelip daýys bergeni bárimizdi súısintti. Odan keıin de kelýshilerdiń arasynan jastardy kóp kórdim. Bul árıne, jas urpaqtyń eldiń bolashaǵyna, taǵdyryna beıjaı qaraı almaıtynyn baıqatsa kerek. Bir jaǵy kúnniń erekshe jarqyrap turǵany, bir jaǵy erteńgi Ulystyń uly kúni turǵyndarǵa keremet merekelik kóńil-kúı syılaǵany anyq. Áıteýir daýys berýge kelgen eldiń qarasy da mol ári báriniń kóńilderi kóterińki.
Buǵan deıin de birneshe saılaýǵa baıqaýshy retinde qatystym. Saılaýda baıqaýshy bolý men úshin zor mártebe ekenin aıta ketkim keledi. Bul saılaýda halyq eldiń turaqtylyǵy úshin daýys bergenine senimdimin. Saılaý ýchaskelerinde eshqandaı zań buzýshylyq oryn alǵan joq.
Juparkúl JUMAShEVA,
Saılaýdy baıqaý jónindegi respýblıkalyq qoǵamdyq komıssııanyń Jambyl oblysy boıynsha óńirlik ortalyǵynyń múshesi.
Jambyl oblysy.
Mindetterin oıdaǵydaı atqardy
Eldiń keleshek múddesi úshin mańyzdy shara Parlament Májilisi men máslıhattar saılaýyna Atyraý oblysynda 244 baıqaýshy tirkelip, olar ádistemelik semınar-trenıngterden ótti. Baıqaýshy ótkilettigi berilgen azamattar Parlament jáne jergilikti máslıhattar saılaýlary naýqanyna tyńǵylyqty daıyndalyp, saılaý zańnamalar men halyqaralyq talaptardyń saqtalýyn qadaǵalaýǵa beıimdeldi. Osyǵan oraı Atyraýda «Qazaqstan Respýblıkasyndaǵy saılaýdy baıqaý jónindegi respýblıkalyq komıssııa» respýblıkalyq qoǵamdyq birlestiginiń múshesi Sultan Qalıevtyń qatysýymen Atyraý qalasynda jáne aýdandarda «Baıqaýshynyń saılaý úderisindegi róli» taqyrybynda arnaıy semınar ótkizildi. Bul semınardyń basty maqsaty – baıqaýshy ókilettigi berilgen azamattardy aldaǵy jaýapty iske daıyndaý, qoldanystaǵy saılaý zańdylyqtary men halyqaralyq normalardyń saqtalýyn qadaǵalaýǵa beıimdeý bolatyn. О́ıtkeni, elimizdegi saılaý barysyn baıqaýshy eń aldymen «Saılaý týraly» konstıtýsııalyq zańdy jete bilýi shart. Olardyń basty mindeti –saılaý úderisiniń zańdylyq talaptarǵa saı jáne ádil ótýin qadaǵalaý. Osy maqsatta qala-aýdan aýmaqtaryndaǵy baıqaýshylar óz ókilettiligine sáıkes saılaý úderisin baqylaý jumystaryn júrgizdi. Bizdiń baıqaýshylar bári semınar-trenıngten ótti. Sonymen qatar, Atyraý oblystyq aýmaqtyq saılaý komıssııasynda jáne saılaý ýchaskelerinde bolyp, saılaýaldy daıyndyq jumystarymen tanysty. Saılaý komıssııasynyń jumystary talapqa saı, ótken jyldarǵa qaraǵanda partııalar arasynda saılaý mádenıetiniń óskendigi, partııalardyń ózara qarym-qatynasy joǵary deńgeıde ekeni baıqaldy. Keshe bizdiń baıqaýshylar saılaý ýchaskeleriniń ashylýyna qatysty. Sonyń ishinde №43 saılaý ýchaskesinen Kaspıı teńizindegi «Qashaǵan» ken ornyna saılaý bıýlletenderin tikushaqpen jóneltý úderisine kýá boldyq. Jalpy, Atyraýdaǵy saılaý úderisi zań talaptaryna saı ótti. Shynargúl QAIYROVA, Saılaýdy baıqaý jónindegi respýblıkalyq qoǵamdyq komıssııanyń Atyraý oblysy boıynsha óńirlik ortalyǵynyń tóraıymy. ATYRAÝ.Ashyqtyq – ardyń isi
Anton HATENOVSKII, Saılaýdy baıqaý jónindegi respýblıkalyq qoǵamdyq komıssııanyń Almaty oblysy boıynsha óńirlik ortalyǵynyń múshesi. Parlament Májilisi men máslıhattar depýtattaryn saılaý Almaty oblysynyń barlyq eldi mekenderinde zańnama talabyna saı ótti. Tynyshtyq. Ertelete Taldyqorǵandaǵy №869 saılaý ýchaskesine kelgenimde eki saǵattaı sırek kelgen el kún kóterile tańǵy saǵat 8-10 aralyǵynda aǵylyp berdi. Halyqtyń belsendiligi óte joǵary boldy. Jastar da, qart adamdar da tolassyz kelip óz tańdaýlaryn jasady. Onyń bir sebebi eshkimge eshqandaı shekteý qoıylmaı, saılaýdyń ashyq ta jarııaly túrde ótkizilgendigi bolar dep oılaımyn. Jalpy, bizdiń tarapymyzdan eshqandaı eskertpe jasalǵan joq. Adamdar qaı partııaǵa, kimge daýys beretindikteri anyq ańǵarylyp turdy. Sóıtip, jetisýlyqtar da konstıtýsııalyq quqyqtaryna saı azamattyq boryshtaryn mádenıetti túrde ótedi. TALDYQORǴAN.
