Tekti jurttyń qanynda bar qasıet

Taǵdyrdyń jazýymen tý­ǵan elinen ajyrap qalǵan talaı etnosty dalada qaldyrmaı, ashyqqanda asyn, tońǵanda bas­panasyn bergen aǵadan halyqqa «bótensiń» dep keýdeden ıtermeı, qushaǵyna qysqany úshin alǵysymyz sheksiz. Túrine, tiline qaramaı, tilegimizdiń bir ekenin oıǵa oraltty. О́tken ǵasyrdyń qýǵyn-súrgin kezinde tarıhı qonysynan, atamekeninen qýylǵan túrli ulys ókilderi qazaqtyń tirligimen bite qaınasyp, salt-dástúrin ushtastyrdy. Baýyryna basqan batyr halyq qaısybir ulttyń bolmasyn salt-dástúrine qurmetpen qarap, izgi nıetin bildirdi. Tipti, «ultyń kim?» dep suramady. Bir úıdiń balasyndaı ómir súrdi. Mundaı erekshe yqylas bildirý kez kelgenniń qolynan kele bermeıdi. Bul – tek tekti jurttyń qanynda bar qasıet. Búginge deıin eskikóz esti qarııalar alash jurtynyń keń peıili men sheksiz qamqorlyǵyn tilge tıek etedi. Qazirgi kezde elimizdegi barlyq etnos ókilderi el damýyna baryn salyp, túrli salada jemisti eńbek etýde. Qushaǵy kim-kimge de aıqara ashyq, baýyrmal da qonaqjaı Qazaq eline alǵysymyz sheksiz. Mıllıondaǵan halyqtyń yqylasyna bólengen jurttyń «keń bolsań, kem bolmaısyń» degen danalyq sózi beıbit kúnniń shamshyraǵyna aınaldy. Oǵan dálel Almaty oblysy, Qaratal aýdanyndaǵy Bastóbe taýynyń eteginde Alǵys monýmentiniń ashylǵany. Munyń barlyǵy Elbasynyń sarabdal saıasatynyń arqasy dep bilemin. Memleket basshysy ultaralyq tatýlyqtyń arqasynda etnostardyń basyn qosyp, memleket quraýshy ult, táýelsiz el bola alatynyn kórsetti. Ulttyq quramy, dinı ustanymdarynyń ártúrliligine qaramastan, barlyq aza­mat­tardyń teń quqylyǵy men erkin dam­ýyn negizge alǵan saıasatty júrgizip otyrǵan Elbasyna, qarapaıym halyqty baýyryna basyp, óz balasyndaı jatsynbaǵan qazaq halqyna myń alǵys! Táýelsiz Qazaqstan jer turǵansha tursyn, kún sóngenshe sónbesin! Ashýr HAMIDOV, ózbek etnomádenı birlestiginiń jetekshisi. Qyzylorda oblysy.