Aqtóbede «Nurly jol» baǵdarlamasy boıynsha baspana berildi

ASTANA. 24 naýryz. Aqtóbe qalasynda «Nurly jol» baǵdarlamasy boıynsha balalarǵa arnalǵan sport klýby bar baspana paıdalanýǵa berildi. Turǵyn úı men klýb Aqtóbe qalasynyń belsendi damyp jatqan bóligi - Batys-2 shaǵyn aýdanynda ornalasqan. Bul týraly egemen.kz tilshisi habarlady. «Qazaqstan ıpotekalyq kompanııasy» IU» AQ ınfraqurylymdy damytýdyń «Nurly jol» memlekettik baǵdarlamasy aıasynda operatorlardyń biri bola otyryp, satyp alý quqyǵymen jalǵa beriletin turǵyn úılerdi salý/satyp alýdy qarjylandyrýdy qamtamasyz etedi. Atap aıtqanda, kompanııa JAO-da kezekte turǵandar úshin Batys-2 shaǵyn aýdanynda ornalasqan úıden jalpy aýdany 17 394,1 sharshy metr bolatyn 262 páterdi satyp aldy. Páterler taza árlengen, santehnıkalyq quraldarmen jáne as úıge arnalǵan plıtalarmen «Nurly Jol – bolashaqqa bastar jol» atty Memleket basshysy Nursultan Nazarbaevtyń Qazaqstan halqyna Joldaýyn iske asyrý aıasynda Aqtóbe oblysyndaǵy JAO-da kezekte turǵandarǵa berilgen. Batys-2 shaǵynaýdanynda turýǵa jaıly jaǵdaılar jasaý úshin qurylys salýshy - «Sollers» JShS kompanııasynyń qatysýy arqyly jergilikti atqarýshy organdarymen aımaqty abattandyrý boıynsha jumystar júrgizildi: kire beris joldar asfalttaldy, avtobýs aıaldamalary ornatyldy. Sonymen qatar «Sollers» JShS memlekettik-jeke seriktestik (MJS) aıasynda balalarǵa arnalǵan sport klýbyn ashý úshin kólemi 400 sh.m. úı-jaıdy Aqtóbe qalasyna aqysyz berdi. Osylaısha, óńirlerdi damytý baǵdarlamasyn oıdaǵydaı júzege asyrý barysynda tek qana JAO-da kezekte turǵandarǵa páter berý ǵana emes qazaqstandyqtardyń jaıly ómir súrýi úshin jaǵdaı jasaýdyń jaqsy úlgisi kórsetildi. Dastan Kenjalın. Derek, sýret: «Qazaqstan ıpotekalyq kompanııasy» IU» AQ Jarnama jáne jurtshylyqpen jumys júrgizý basqarmasy.