Jaramsyz taýarlar

jarty jyldan keıin de dúkenge qaıtarylady Parlament Senatynyń depýtattary tutynýshylardyń quqyǵy týraly zańǵa ózgerister engizgeni týraly buǵan deıin habarlaǵan edik. Endi máseleni naqtylaı tússek, aldaǵy ýaqytta sapasyz taýardy satyp alǵan jerine eki aptadan keıin emes, jarty jyldan keıin de qaıtarýǵa bolady. Ulttyq ekonomıka mınıstri Erbolat Dosaev tutynýshylardyń birneshe márte jasaǵan shaǵymdarynan keıin osyndaı sheshim qabyldanǵanyn málimdedi. Sondaı-aq, bul zańnyń tez buzylatyn taǵam ónimderine qatysy joqtyǵyn, olardy kórsetilgen ýaqytyna deıin ótkizý qajettigin aıtty. – Biz bul normany qajetti qujattaryn kórsetken jaǵdaıda sapasyz taýarlardy aýystyryp alý úshin engizdik. Mundaı sheshimge kelmes buryn máseleni jan-jaqty zerttedik. Osyǵan oraı, taýarlardy úsh túrge bólip qarastyrdyq. Sebebi, belgili bir maýsymda ǵana paıdalanatyn taýarlar bolady. Máselen, jazda satyp alǵan zattyń qysta sapasy tómen ekenin bilip jatatyn kezder kezdesedi. Máseleni zertteýde osynyń bárin zerdeledik, – deıdi Erbolat Dosaev. Aıan ÁBDÝÁLI, «Egemen Qazaqstan».